Samantha: హీరోయిన్ సమంత గురించి ప్రత్యేకంగా చెప్పనవసరం లేదు. కెరియర్ లో అనేకమైన విభిన్నమైన పాత్రలు చేసి ఎంతోమంది అభిమానాన్ని సంపాదించుకోంది. గత ఏడాది నాగచైతన్యతో విడాకులు తీసుకున్న తర్వాత సమంత కెరియర్ అయిపోయింది అని అనుకున్నా కానీ ఊహించని రీతిలో ఒక్కసారిగా గ్రాఫ్ అమాంతం పెరిగింది. ఒకప్పుడు దక్షిణాది సినిమా ఇండస్ట్రీలోనే ఎక్కువ సమంత పేరు వినపడక ఇప్పుడు బాలీవుడ్ ఇండస్ట్రీలో కూడా వరుస అవకాశాలు అందుకుంటూ ఉంది.
ముఖ్యంగా ఫ్యామిలీ మెన్ వెబ్ సిరీస్ లో సమంత చేసిన పాత్ర ఉత్తరాది సినీ ప్రేమికులను ఎంతగానో ఆకట్టుకుంది. విడాకులు తీసుకున్న తర్వాత ఒకపక్క కమర్షియల్ సినిమా చేస్తూ మరోపక్క ప్రయోగాత్మకమైన సినిమాలు కూడా సమంత చేస్తూ ఉంది. గుణశేఖర్ దర్శకత్వంలో.. “శకుంతలం” మరోపక్క “యశోద”.. వంటి హీరోయిన్ ఓరియంటెడ్ సినిమాలు చేస్తున్న సమంత బాలీవుడ్ ఇండస్ట్రీలో ఇప్పుడు ఓ హర్రర్ సినిమా చేయడానికి రెడీ అయినట్లు సమాచారం. పూర్తి విషయంలోకి వెళ్తే అమర్ కౌశిక్ దర్శకత్వంలో తెరకెక్కనున్న హర్రర్ సినిమాలో సమంత… రాజ్ పుత్ రాణిగా… ప్రేతాత్మగా కనిపించనున్నట్లు సమాచారం.
ఈ సినిమాలో సమంత ప్రేమికుడిగా ఆయుష్మాన్ ఖురానా కనిపించనున్నాడట. ఇప్పటికే ఇద్దరు మూవీ వర్క్ షాప్ లో పాల్గొంటారని.. బాలీవుడ్ ఇండస్ట్రీలో టాక్ వినిపిస్తోంది. ప్రస్తుతం సమంత చేస్తున్న సినిమాల లిస్టు చూస్తే శివ నిర్వాణ దర్శకత్వంలో విజయ్ దేవరకొండ హీరోగా తరికెక్కుతున్న “ఖుషి” లో హీరోయిన్ గా చేస్తుంది. ఇది కాక లేడీ ఓరియంటెడ్ సినిమాలు చేస్తూనే మరో పక్క వెబ్ సిరీస్ ప్రాజెక్టులు కూడా చేస్తూ.. బాలీవుడ్ ఇండస్ట్రీలో అవకాశాలు అందుకుంటూ ఉంది.