Sunny Leone: హాట్ బ్యూటీ సన్నీలియోన్ గురించి ప్రత్యేకమైన పరిచయం అవసరం లేదు. ఈమె నటనతో, అందంతో ఎంతోమంది ప్రేక్షకులని ఆకట్టుకుంది. ఇక ఈ ముద్దుగుమ్మ తెలుగు ఇండస్ట్రీలో నటించింది తక్కువ అయినప్పటికీ చాలా మంచి పాపులారిటీ దక్కించుకుంది. కొన్ని దశాబ్దాలుగా ఇండస్ట్రీలో కొనసాగుతూ ప్రస్తుత హీరోయిన్స్ కి కూడా పోటీ ఇస్తుంది సన్నీలియోన్.
ఇక జనవరి 24, 2011లో డానియల్ వేదర్ ను వివాహం చేసుకొని కొద్ది కాలం పాటు ఇండస్ట్రీకి గ్యాప్ ఇచ్చిన అనంతరం మళ్లీ ర్రీ ఎంట్రీ ఇచ్చి దూసుకుపోయింది. ఇక ప్రస్తుతం ఈ ముద్దుగుమ్మ భాషతో సంబంధం లేకుండా వరుస అవకాశాలు అందుకుంటుంది. అలానే సోషల్ మీడియాలో సైతం యాక్టివ్ గా ఉంటూ తన ఫ్యాన్స్ కి ఎప్పటికప్పుడు ట్రీట్ ఇస్తుంది.
ఇక ఈ ముద్దుగుమ్మ తన భర్తతో కొత్త వ్యాపారం స్టార్ట్ చేస్తున్నట్లు ఇన్స్టాగ్రామ్ వేదికగా ప్రకటించింది. ఢిల్లీలోని నోయిడాలో ” చిక లోకా ” అనే పేరుతో ఓ రెస్టారెంట్ ప్రారంభించింది. ఇందుకు సంబంధించిన వివరాలను తన సోషల్ మీడియా అకౌంట్లో పోస్ట్ చేసింది. ఇక అనంతరం ఈ ముద్దుగుమ్మ మాట్లాడుతూ..” నేను రెస్టారెంట్ ప్రారంభించడమే కాదు ఇతర విషయాలపై కూడా పనిచేయాలనుకుంటున్నాను.
ఆర్టిస్టులు టీవీ ప్రచారానికి లేదా సినిమాలకే పరిమితం కాకుండా ఇతర విషయాల గురించి కూడా ఆలోచించాలి. తమ సొంత బ్రాండ్లను మొదలు పెట్టాలి ” అంటూ చెప్పుకొచ్చింది ఈ ముద్దుగుమ్మ. ఇక ఈమె పోస్ట్ చూసిన ప్రేక్షకులు..” ఈ మధ్యకాలంలో ప్రతి ఒక్కరు రెస్టారెంట్ అనే బిజినెస్ రంగంలో దిగుతున్నారు. ఇప్పుడు నువ్వు కూడా తయారయ్యావా? ఇంకొన్ని రోజులు పోతే దేశం మొత్తం రెస్టారెంట్లే ఉంటాయేమో? ” అంటూ కామెంట్స్ చేస్తున్నారు.