Varun Tej: మెగా ప్రిన్స్ వరుణ్ తేజ్ హీరోగా వచ్చిన గద్దల కొండ గణేశ్ మంచి కమర్షియల్ సక్సెస్‌ను అందుకుంది. హరీశ్ శంకర్ దర్శకత్వంలో వచ్చిన ఈ సినిమాలో వరుణ్ పక్కా మాస్ హీరోగా నటించి ఆకట్టుకున్నాడు. ఈ సినిమా తర్వాత రావాల్సిందే గని. అయితే, కరోనా వేవ్స్ కారణంగా దాదాపు ఏడాదిన్నరకు పైగానే ఆలస్యం అయింది. ఎట్టకేలకు ఈ సినిమా ఏప్రిల్ 8వ తేదీన భారీ స్థాయిలో రిలీజ్‌కు రెడీ అవుతోంది. వరుణ్ తేజ్ నటిస్తున్న ఫస్ట్ స్పోర్ట్స్ డ్రామా చిత్రంగా గని తెరకెక్కిన సంగతి తెలిసిందే.
ఇక ఈ సినిమాలో వరుణ్ బాక్సర్స్‌గా నటిస్తున్నాడు. బాలీవుడ్ క్యూట్ బ్యూటీ సాయి మంజ్రేకర్ వరుణ్ సరసన హీరోయిన్‌గా నటించింది. నూతన దర్శకుడు కిరణ్ కొర్రపాటి దర్శకత్వంలో బాక్సింగ్ నేపథ్యంలో తెరకెక్కిన ఈ సినిమాను ప్రముఖ నిర్మాత అల్లు అరవింద్ సమర్పణలో రెనైస్సన్స్ పిక్చర్స్ మరియు అల్లు బాబీ కంపెనీలపై సిద్దు ముద్ద – అల్లు బాబీ సంయుక్తంగా భారీ బడ్జెట్‌తో నిర్మిస్తున్నారు. రిలీజ్ డేట్ దగ్గర పడుతున్న నేపథ్యంలో మేకర్స్ ప్రమోషన్స్‌లో జోరు పెంచారు. ఈ నేపథ్యంలోనే ఏప్రిల్ 2న వైజాగ్‌లో గని సినిమా ప్రీ రిలీజ్ ఈవెంట్‌ను నిర్వహించబోతున్నారు. ఈ కార్యక్రమానికి ఐకాన్
స్టార్ అల్లు అర్జున్ ముఖ్య అతిధిగా రాబోతున్నట్టుగా మేకర్స్ ప్రకటించారు.
Varun Tej: తమన్నా స్పెషల్ సాంగ్‌లో సందడి..
కాగా, వరుణ్ నటించిన గని సినిమాకు సంబంధించి నాన్ థియేట్రికల్ రైట్స్ కోసం భారీ డీల్ కుదిరినట్టు తాజా సమాచారం. దాదాపు రూ.25 కోట్ల వరకు గని మూవీ నాన్ థియేట్రికల్ హక్కులు కొనుగోలు చేసినట్టు తెలుస్తుంది. దీని రూపంలోనే సగం మూవీకి కేటాయించిన బడ్జెట్ రికవర్ చేసినట్టు చెప్పుకుంటున్నారు. గని చిత్రానికి రూ. 40 నుంచి 50 కోట్ల మధ్యలో నిర్మించారట. ఆ లెక్కన చూస్తే సగం వచ్చేసినట్టే అంటున్నారు. అయితే, దీనిపై మేకర్స్ నుంచి మాత్రం ఇంకా ఎలాంటి అఫీషియల్ కన్‌ఫర్మేషన్ రాలేదు. కాగా, ఈ సినిమాలో ఉపేంద్ర, సునీల్ శెట్టి, నవీన్ చంద్ర, నదియా కీలక పాత్రల్లో నటించారు. తమన్నా స్పెషల్ సాంగ్‌లో సందడి చేయనుండగా థమన్ సంగీతం అందించాడు.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!