Naandhi : కోవిడ్ నిబంధనలు తొలగిన తర్వాత సంక్రాంతి నుండి థియేటర్ల వద్ద సినిమాలు మునుపటిలాగే సందడి చేయడం మొదలు పెట్టాయి. ఆక్యుపెన్సీ కూడా 100 శాతానికి పెంచడంతో ఇన్నిరోజులు థియేటర్ల మొహం వాచిపోయిన ప్రేక్షకులు అన్ సీజన్లో కూడా థియేటర్లకు పోటెత్తుతున్నారు. ఫలితంగా భారీ వసూళ్ళు వస్తున్నాయి. ‘ఉప్పెన’ సినిమా కేవలం మూడు రోజుల్లోనే బ్రేక్ ఈవెన్ సాధించడమే ఇందుకు ఉదాహరణ.
ఇక ఈ శుక్రవారం మరో మూడు చిత్రాలు ప్రేక్షకుల ముందుకు వచ్చాయి. కపటధారి, నాంది, చక్ర సినిమాలు ఈవారం తమ అదృష్టాన్ని పరీక్షించుకున్నాయి. గతంలో కామెడీ సినిమాలతో మినిమమ్ గ్యారంటీ హీరోగా మెరిసిన అల్లరినరేష్ కి గత ఎనిమిది ఏళ్ళ నుండి సరైన హిట్ లేదు. ఇప్పుడు ‘నాంది’ అనే డిఫరెంట్ సబ్జెక్ట్ తో ప్రేక్షకుల ముందుకు వచ్చాడు.
ఈ సినిమాకి ముందు నుండే మంచి హైప్ ఉంది. ఓపెనింగ్స్ కూడా చెప్పుకోదగ్గట్లే వచ్చాయి. అయితే మొదటి రోజు మంచి మౌత్ టాక్ రావడంతో తర్వాత రెండు రోజులు చాలా మంచి వసూళ్లు రాబట్టింది. మొత్తం రెండు రోజుల్లోనే 1.95 కోట్లు గ్రాస్ రాబట్టిన ఈ సినిమా 1.1 కోట్ల షేర్ వసూలు చేసింది. అన్నింటికన్నా ఎక్కువగా నైజాంలో 28 లక్షలు కలెక్ట్ చేసింది బ్రేక్ కు మరో రెండు కోట్ల దూరంలో నిలిచిన ఈ సినిమా మొదటిరోజుతో పోలిస్తే తరవాత రెండు రోజుల్లో అతి భారీ వసూళ్లను సాధించింది.
కాబట్టి ఈ చిత్రం ఈ వారంలోనే బ్రేక్ ఈవెన్ టార్గెట్ రీచ్ అయిపోవచ్చు. ఇక అల్లరి నరేష్ పని అయిపోయింది, సినిమాలో సైడ్ క్యారెక్టర్ చేసుకోవాల్సిందే అని అభిప్రాయపడిన వారందరికీ ఈ సినిమాతో సరైన సమాధానం చెప్పాడు అని ఇండస్ట్రీ వర్గాలు అనుకుంటున్నాయి. మంచి కాన్సెప్ట్ తో బడ్జెట్ ఫ్రెండ్లీ సినిమాలు తీస్తే ఆదరించడానికి ప్రేక్షకులు ఎప్పుడూ ముందు ఉంటారని ఈ సినిమాతో రుజువు అయింది.
