Prawns: మాంసాహారాలన్నింటి తో పోలిస్తే, రొయ్య Prawns ల్లోనే తక్కువ క్యాలరీలు ఉంటాయి. అధిక బరువు సమస్య తోబాధపడేవారు రొయ్య లను తినడం వలన బరువు అదుపులో ఉంటుంది. అధికబరువుని తగ్గించడంలో రొయ్యలు అంత బాగా పనిచేస్తాయి మరి. రొయ్యల్లోని ప్రొటీన్స్ కండరాల నిర్మాణానికి, కొత్త కణజాలం ఏర్పడడానికి బాగా ఉపయోగపడతాయి. హార్మోన్ సమస్య లు ఉన్నవారు.. రొయ్యలు ఆహారం గా తీసుకుంటూ ఉంటే.. జీవ క్రియలు మెరుగ్గా ఉంటుంది. రక్త హీనత తో బాధ పడేవారికి కూడా రొయ్య లు అద్భుతమైన ఔషధం గా పని చేస్తాయి.
వీటితో పాటు గుండె జబ్బులను కూడా రొయ్యలు దూరం చేస్తాయని వైద్యులు తెలియచేస్తున్నారు. రొయ్య ల్లో ఎక్కువగా ఒమెగా 3 ఫ్యాటీ యాసిడ్స్ఉండడం వలన ఇవి గుండె ఆరోగ్యానికి మేలు జరుగుతుంది అని వారు చెప్తున్నారు. రొయ్యల్లో ఉండే క్యాల్షియం, విటమిన్-ఇ చర్మ ఆరోగ్యానికి, దంతాల కు, ఎముకకలను దృఢం గా ఉండేలా చేస్తాయి. పిల్లల ఆరోగ్యానికి సరిపడా ప్రోటీన్లు రొయ్యలల్లో అందుతాయి. అందుచేత వరం లో ఒక్కసారి అయినా రొయ్యల్ని ఆహారం లో ఇవ్వడం వలన పిల్లల ఆరోగ్యానికి మేలుజరుగుతుంది. తరచూ ఆహారం లో రొయ్యలను తీసుకుంటే కావాల్సినతం బలం తో పాటు మెదడు, నరాల సంబంధిత జబ్బులు వచ్చే అవకాశం కూడా తగ్గుతుంది. చాలా మంది మతి మరుపుసమస్యతో ఇబ్బంది పడుతుంటారు. అలాంటి వారు రొయ్య లుతినడం వలన మతి మరుపు తగ్గుతుంది.
ఇంకా చెప్పాలంటే రొయ్యలంత బలవర్థక మైన ఆహారం ఇంకొకటి లేదని సర్వేలు సైతం తెలియచేస్తున్నాయి. ఇవి త్వరగా జీర్ణమవుతాయి కూడా .అయితే రొయ్యలు రుచికరం గా ఉంటాయి అని ఎక్కువ నూనెతో వేపుడు చేసుకుని తినకూడదని నిపుణులు హెచ్చరిస్తున్నారు. తక్కువ నూనెతో చేసుకున్న కూరలు, వేపుడు తినమని సూచిస్తున్నారు. ఏది ఏమైనా మోతాదు కు మించి మాత్రం తిన కూడదని ఆరోగ్య నిపుణులు చెప్పే మాట.
