ఇతర అన్ని ఇన్సూరెన్స్ కంపెనీలలాగే లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) కూడా తన కస్టమర్లకు ఆన్లైన్లో పాలసీ ప్రీమియంను చెల్లించే అవకాశం కల్పిస్తోంది. పలు డిజటల్ చెల్లింపుల సైట్లలో ఈ ఎల్ఐసీ పాలసీలకు గాను ప్రీమియంలు చెల్లించవచ్చు. అందుకు పలు పేమెంట్ మెథడ్స్ కూడా అందుబాటులో ఉన్నాయి. అయితే ఎల్ఐసీ ప్రీమియంను ఆన్లైన్లో చెల్లించే వారు కింద తెలిపిన పలు ముఖ్యమైన విషయాలను గుర్తుంచుకోవాలి. అవేమిటంటే…
* ఆన్లైన్లో ప్రీమియం చెల్లించేవారు క్యాష్ కౌంటర్ల వద్ద ప్రీమియం చెల్లించరాదు. ఎందుకంటే ఇలాంటి సందర్భాల్లో కొన్ని సార్లు ప్రీమియంను ఒకే నెలలో తెలియకుండానే రెండు సార్లు చెల్లించాల్సి వస్తుంది. అందువల్ల ఆన్లైన్లో ప్రీమియం చెల్లిస్తుంటే ఆ మాధ్యమంలోనే ఎప్పటికీ చెల్లింపులు చేయాలి. లేదా కేవలం క్యాష్ కౌంటర్లలోనే ప్రీమియం చెల్లించాలి.
* ప్రీమియం చెల్లించిన రశీదులను ఎప్పటికప్పుడు ఎల్ఐసీ మీ అడ్రస్కు పంపిస్తుంది. కనుక అడ్రస్ సరిగ్గా ఉండేలా చూసుకోవాలి. అడ్రస్ మారితే వెంటనే పాలసీలో మార్పించుకోవాలి.
* ఆన్లైన్లో ప్రీమియం చెల్లిస్తే ఆ ప్రీమియం మీరు పాలసీ కలిగి ఉన్న బ్రాంచ్కు చేరేందుకు సమయం పడుతుంది. అందువల్ల ప్రీమియం చెల్లించే తేదీలు, రశీదు వచ్చే తేదీలు మారుతాయి.
* హెచ్డీఎఫ్సీ బ్యాంక్, ఐసీఐసీఐ బ్యాంక్, బిల్ జంక్షన్, టైమ్స్ ఆఫ్ మనీ, బిల్ డెస్క్ వంటి సైట్లలో ఎల్ఐసీ పాలసీ ప్రీమియంలను చెల్లించవచ్చు.
* ఆయా సైట్లలో నెట్ బ్యాంకింగ్, డెబిట్ కార్డులు, ఫోన్ బ్యాంకింగ్ తదితర పద్ధతుల్లో పాలసీ ప్రీమియంలను చెల్లించవచ్చు.