Prabhas : అవును, ఎవరి మాట ఎలా వున్నా, డార్లింగ్ ప్రభాస్ మాత్రం మంచి ఊపులో వున్నాడు. ప్రస్తుతం అతగాడి కోసం దేశంలో వున్న అన్ని సినీ రంగాలు ఆలోచించడం మొదలు పెట్టాయి. ఈ క్రమంలోనే వరుస పాన్ ఇండియా సినిమాలు చేస్తున్నాడు. ఇక కరోనా వేరియంట్ ఓమిక్రాన్ కేసులు పెరుగుతున్న నేపథ్యంలో అనేక పాన్ ఇండియా చిత్రాలను వాయిదా పడ్డ సంగతి అందరికీ తెలిసిందే. ఈ క్రమంలోనే సంక్రాంతి కానుకగా జనవరి 14వ తేదీన విడుదల కావాల్సిన ప్రభాస్ రాధేశ్యామ్ సినిమా కూడా వాయిదా పడింది.
Prabhas : ఇపుడు తాజా పరిస్థితులు ఇవే..
ప్రస్తుతం కరోనా కేసులు తగ్గుముఖం పట్టడంతో వరుస సినిమాలు విడుదల తేదీలను సమీకరించుకుంటున్నాయి. ఈ క్రమంలోనే రాధాకృష్ణ దర్శకత్వంలో ప్రభాస్ నటించిన ఈ సినిమాని కూడా మార్చి 11వ తేదీ అన్ని భాషలలో విడుదల చేయడానికి సదరు చిత్ర క్రూ సన్నద్ధమవుతోంది. దాంతో ఈ సినిమా ప్రమోషన్స్ షురూ చేసే పనిలో పడ్డారు. ఈ క్రమంలోనే ఈ సినిమాకు తమిళనాడు ప్రభుత్వం నుంచి కొంత ఆదరణ దక్కుతుందని తెలుస్తోంది. ఎందుకంటే ఈ సినిమాకోసం తమిళనాడు CM స్టాలిన్ తనయుడు హీరో ఉదయనిధి స్టాలిన్ రంగంలోకి దిగినట్లు గుసగుసలు వినిపిస్తున్నాయి.
తమిళంలో వారు రిలీజ్ చేయబోతున్నారట!
అవును.. ఉదయనిధి స్టాలిన్ రాధేశ్యామ్ చిత్రాన్ని చాలా ప్రెస్టీజియస్ గా తీసుకొని అక్కడ విడుదల చేయడానికి పూనుకున్నాడని తెలుస్తోంది. ఉదయనిధి స్టాలిన్ ఫ్యామిలీకి చెందిన డిస్ట్రిబ్యూషన్ కంపెనీ ఒకటి ప్రభాస్ సినిమాని తమిళనాడుతో పాటు శ్రీలంక, మలేషియా మొదలైన తమిళ ఓవర్ సీస్ సెక్టార్ లో కూడా విడుదల చేయడానికి ప్లాన్ చేస్తున్నారట. రాధా కృష్ణ దర్శకత్వంలో తెరకెక్కిన ఈ చిత్రాన్ని యూవీ క్రియేషన్స్ మరియు గోపీకృష్ణ మూవీస్ బ్యానర్స్ పై వంశీ, ప్రమోద్, ప్రసీద ఎంతో ప్రతిష్టాత్మకంగా నిర్మించారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!