Samantha: సమంత.. ఈ మూడక్షరాల ముద్దుగుమ్మ అంటే తెలుగునాట కుర్రకారుకి ఎంత క్రేజో ప్రత్యేకించి చెప్పాల్సిన పని లేదు. ‘ఏమాయ చేసావే’ తో యువత మనసుల్ని మాయ చేసారు సమంత. ఇక అక్కడినుండి వెనక్కి చూసుకోలేదు. అనతికాలంలోనే స్టార్ హీరోయిన్ గా సమంత పేరు ప్రఖ్యాతలు గడించారు. మొదటినుండి ఈమె సినిమాల విషయంలో ఆచి తూచి నిర్ణయాలు తీసుకొనేది. ఆ నిర్ణయాలే ఈరోజు ఆమెని ఇక్కడ స్టార్ ని చేశాయని అనడంలో అతిశయోక్తిలేదు.
Samantha: సామ్ చేసిన వైవిధ్య పాత్రలు ఇవే:
ఇక సమంతకి ప్రయోగాలు చేయడం కొత్తేమీ కాదు. ఆ మధ్య కాలంలో ‘ఓ బేబి’, ‘యూ టర్న్’ వంటి చిత్రాలతో లేడీ ఓరియెంటెడ్ చిత్రాలలో నటించి మెప్పించింది. అలాగే మొన్నటికి మొన్న ‘ది ఫ్యామిలీ మ్యాన్ 2’ వంటి వెబ్ సిరీస్లో రాజీ అనే తమిళ ఉగ్రవాది పాత్రలో నటించి మిమర్శకుల ప్రశంసలు కూడా అందుకున్నారు. హీరోయిన్గా కెరీర్ స్టార్ట్ చేసి దశాబ్దం పూర్తి చేసుకున్న సమంత అగ్ర హీరోలందరితో జోడి కట్టినా నెమ్మదిగా రూట్ మార్చుకుని ఇప్పుడు వెరైటీ ప్రాత్రల వైపు మొగ్గు చూపుతున్నారు.
సామ్ ‘ఊ అంటావా’ సంగతి:
ఆ సినిమాలన్నీ ఒక ఎత్తు అయితే రీసెంట్గా విడుదలైన ‘పుష్ప’ సినిమాలో ‘ఊ అంటావా మావ ఊఊ అంటావా మావ’ అనే ఐటెం సాంగ్తో సమంత మాస్ జనాలను ఒక ఊపు ఊపేసారు. ఐటెం భామలకు ధీటుగా తీసిపోకుండా సామ్ వేసిన స్టెప్పులకు చాలామందికి జ్వరాలు వచ్చేసాయి. దాంతో పలువురు సామ్ ను ఐటెం సాంగ్స్ కోసం సంప్రదిస్తున్నట్టుగా టాలీవుడ్లో గుసగుసలు వినిపిస్తున్నాయి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!