Vikram: విక్రమ్ Vikram లోకేశ్ కనగరాజ్.. ప్రస్తుతం సౌత్ స్టార్ డైరక్టర్లలో ఒకడు. మెగాస్టార్ చిరంజీవికి ఎంతగానో కలిసొచ్చిన ఖైదీ.. లోకేశ్ కూ అంతే కలిసొచ్చింది. దీంతో లోకేశ్ ప్రాజెక్టులపై క్రేజ్ పెరిగిపోయింది. విజయ్ తో చేసిన మాస్టర్ సినిమాపై విమర్శలు వచ్చినా సంచలనాలు రేపింది. ఇప్పుడు కమల్ హాసన్ తో విక్రమ్ సినిమా చేస్తున్నాడు. విజయ్ సేతుపతి, ఫహద్ ఫాజిల్ నటిస్తున్న ఈ సినిమాపై భారీ అంచనాలు నెలకొన్నాయి. గతంలోనే రిలీజైన మోషన్ టీజర్ విపరీతమైన హైప్ క్రియేట్ చేసింది. కరోనా, లాక్ డౌన్ టైమ్ కావడం వల్ల సినిమా ప్రారంభం ఆలస్యమైంది. ఇప్పుడు విక్రమ్ గురించి లేటెస్ట్ అప్డేట్ వచ్చింది. సినిమా ఫస్ట్ లుక్ రివీల్ చేసింది చిత్ర బృందం.
సినిమాలో నటిస్తున్న ముగ్గురు దిగ్గజాలతో క్లోజ్ అప్ షాట్స్ ను బ్లాక్ అండ్ వైట్ లో రూపొందించారు. ముగ్గురూ గడ్డంతో గంభీరమైన లుక్ లో పెద్ద వయసు వారిలా కనిపిస్తున్నారు. ముగ్గురూ జాతీయస్థాయి నటులు, విలక్షణ నటులుగా పేరు ఉండటం.. లోకేశ్ కనగరాజ్ దర్శకుడు కావడంతో అంచనాలు ఆకాశాన్నంటుతున్నాయి. పైగా.. కమల్, లోకేశ్ సినిమాపై చేసిన ట్వీట్లు మరింత ఆసక్తి రేకెత్తిస్తున్నాయి. ‘శౌర్య పరాక్రమాలు ఉన్నవాడే కిరీటాన్ని ధరించాలి. మాకున్న ప్రతిభను మీముందు ఉంచుతున్నాం. విజయాన్ని ఇవ్వండి’ అని కమల్.. ‘అదిగదిగో యుద్ధంతో వెలుగు.. శబ్ధంతో అరాచకత్వం నాశనమే.. రక్తంతో ఉన్న తల.. ఇదిగో కంపిస్తున్న స్వర్గం.. గెలుపు నిజం’ అని అర్ధం వచ్చేలా లోకేశ్ చేసిన ట్వీట్లు ఆసక్తి రేకెత్తిస్తున్నాయి.
ముగ్గురూ స్టార్ హీరోలు ఒకే సినిమాలో నటిస్తూండటంతో ఫ్యాన్స్ లో కూడా ఆసక్తి పెరిగిపోయింది. యాక్షన్, థ్రిల్లర్ అని అర్ధమవుతున్నా.. సినిమాలో కథే కీలకం కానుందని తెలుస్తోంది. ప్రస్తుతం ఈ పిక్ సోషల్ మీడియాలో విపరీతంగా వైరల్ అవుతోంది. విజయ్ సేతుపతి, ఫహద్ ఫాజిల్ విలన్లా నటిస్తున్నారని తెలుస్తోంది. జాతీయ అవార్డు గ్రహీత గిరీష్ గంగాధరన్ ఈ సినిమాకు సినిమాటోగ్రఫీ, అనిరుధ్ సంగీతం అందిస్తున్నారు. కోవిడ్ పరిస్థితులు తగ్గడంతో సినిమా షూటింగ్ ప్రారంభమైంది. రాజ్ కమల్ ఫిలింస్ ఇంటర్నేషనల్ బ్యానర్ పై కమల్ హాసన్ ఈ సినిమా నిర్మిస్తున్నారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!