Hypoglycemia: హైపోగ్లైసీమియా అంటే.. రక్తంలో చక్కెర స్థాయిలు తక్కువగా ఉండటం. దీనినే బ్లడ్ షుగర్ అని అంటారు. రక్తంలో చక్కెర శాతం 70 mg/dl కంటే తక్కువ ఉంటుంది. రక్తంలో ఉండే చక్కెర శరీరానికి అవసరమైన శక్తిని అందిస్తుంది.. ఈ సమస్య ఎవరికీ వస్తుంది..!? కలిగే పరిణామాలేంటో తెలుసుకుందాం..!!
సాధారణంగా ఈ సమస్య డయాబెటీస్ ఉన్న వారిలో వస్తుంది. రక్తంలో చక్కెర స్థాయిలు పడిపోయినప్పుడు సింథటిక్ నర్వస్ సిస్టమ్ పై ప్రభావం చూపుతుంది. దాంతో ఎడ్రినలిన్ హార్మోన్ ఉత్పత్తి ఎక్కువగా జరుగుతుంది. దీనితో పాటుగా కార్టిసాల్ హార్మోన్స్ ఎక్కువగా ఉత్పత్తి అవుతాయి. ఇలా జరగడం వలన హార్ట్ రేట్ పెరుగుతుంది దీని తో పాటు బ్లడ్ ప్రెజర్ కూడా పెరుగుతుంది. ఇదే సమస్య తీవ్రమైతే గుండె జబ్బులు వస్తాయి.
ఒకవేళ హైపోగ్లైసీమియా సమస్యను ఎదుర్కొనే వారు ముందుగానే గుండె జబ్బులతో బాధపడుతుంటే గుండె పోటు వచ్చే అవకాశాలు మరింత ఎక్కువగా ఉన్నాయి. రక్తంలో చక్కెర శాతం పడిపోయిన తర్వాత 20 నిమిషాల్లో గా సరైన చికిత్స తీసుకోవాలి. లేకపోతే ఇది బ్రెయిన్ లో సెల్స్ ను డ్యామేజ్ చేస్తుంది. ఆ ప్రభావం బ్రెయిన్ మీద తీవ్రంగా ఉంటుంది. కొన్నిసార్లు బ్రెయిన్ లో న్యూరాన్స్ చనిపోతాయి. అంతేకాకుండా బ్రెయిన్ లో రక రకాల మార్పులు వచ్చి కోమాలోకి వెళ్లిపోయే అవకాశం కూడా ఉంది. మధుమేహం ఉన్న వారు తరచుగా పరీక్షలు చేయించుకుంటూ ఉండాలి. తక్కువ గా అనిపించినప్పుడు వెంటనే వైద్యుడిని సంప్రదించి తగు జాగ్రత్తలు తీసుకోవాలి.