Dasari biopic : టాలీవుడ్లో ఉన్న లెజండరీ డైరెక్టర్స్లో దాసరి నారాయణ రావు ఒకరు. ఆయన శిష్యులు ఎంతో మంది ఇండస్ట్రీకి పరిచయం చేసిన గొప్ప వ్యక్తిగా పేరు సంపాదించారు. దర్శకుడిగా, నిర్మాతగా, నటుడిగా ఎన్నో అద్భుతమైన సినిమాలను తెరకెక్కించారు..నిర్మించారు..నటించారు. అంతేకాదు ఇండస్ట్రీకి పెద్దగా ఉన్న సమయంలో ఎవరికి ఎలాంటి సమస్యలు వచ్చినా తన భుజాల మీద వేసుకొని సమస్యను పరిష్కరించారు. ఆయన జీవితంలో ప్రపంచానికి తెలియని విషయాలు అటు సినిమా రంగం పరంగా..రాజకీయ పరంగా ఎన్నో ఉన్నాయి. ఎంతో మందికి ఆదర్శమైన దాసరి బయోపిక్ ఎంతో మందికి ఉపయోగపడుతుందని చాలామందికి ఉన్న అభిప్రాయం.
దాసరి నారాయణ రావు మృతి తర్వాత చాలామంది ఆయన బయోపిక్ తీయాలని భావించారు. కానీ సాధ్యపడలేదు. అందుకు సత్తా ఉన్న దర్శకుడు, నిర్మాత కావాలి. ఆయన పాత్ర పోషించే నటుడు కావాలి. ఇవన్నీ కుదరకనే ఇంతకాలం దాసరి బయోపిక్ రాలేదు. అంతేకాదు బయోపిక్ తీయాలంటే దర్శక, నిర్మాతలకి పెద్ద సాహసం. ఇంతక ముందు వచ్చిన ఎన్.టి.ఆర్ బయోపిక్, సావిత్రి బయోపిక్స్ లలో సావిత్రి జీవిత కథగా తీసిన సినిమా బ్లాక్ బస్టర్ గా నిలిచింది. కానీ ఎన్.టి.ఆర్ బయోపిక్ మాత్రం ప్రేక్షకులను మెప్పించలేకపోయింది.
Dasari biopic : అది కేవలం ఆలోచనగానే మిగిలింది.
ఇప్పుడు తాజాగా దాసరి బయోపిక్ ని ప్రకటించారు. దాసరి శిష్యుల్లో ఒకరైన ప్రముఖ సీనియర్ దర్శకులు ధవళ సత్యం దాసరి బయోపిక్ తెరకెక్కించనున్నారు. దీంతో ఇప్పుడు సినిమా ఇండస్ట్రీలో ఈ విషయం పెద్ద హాట్ టాపిక్ గా మారింది. ధవళ సత్యం దాసరి బయోపిక్ ప్రకటించారు.. కానీ తీస్తారా? అని కొన్ని నెగిటివ్ కామెంట్స్ వినిపిస్తున్నాయి. అందుకు కారణం ఇంతకుముందు దాసరి శిష్యుల్లో ముఖ్యులైన సి.కళ్యాణ్, రేలంగి నరసింహా రావు లాంటి వారు దాసరి బయోపిక్ తీస్తామని ప్రకటించారు. అది కేవలం ఆలోచనగానే మిగిలింది. మరి ఇప్పుడైనా తెరమీదకి వస్తుందా చూడాలి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!