Sudheer babu : సుధీర్ బాబు మాస్ హీరోగా ఈ సినిమా నిలబెడుతుందా..?

Sudheer babu : ఘట్టమనేని ఫ్యామిలీ నుంచి వచ్చిన హీరో సుధీర్ బాబు, శివ మనసులో శృతి సినిమాతో హీరోగా మారిన సుధీర్ బాబు వరుసగా సినిమాలైతే చేస్తున్నాడు గానీ.. ఆయనకి రావాల్సిన మాస్ హీరో ఇమేజ్ మాత్రం రావడం లేదు. సినిమా ఇండస్ట్రీలో మార్కెట్ ఉండాలంటే..పక్క ఇండస్ట్రీలలో కూడా క్రేజ్ రావాలంటే ఖచ్చితంగా మాస్ ఆడియన్స్ ని మెప్పించాల్సిందే. వారి కోసం పూరి జగన్నాథ్ లాంటి డైరెక్టర్‌తో ఓ భారీ మాస్ హిట్ అందుకోవాల్సిందే. కానీ సుధీర్ బాబుకి ఇప్పటి వరకు టాలీవుడ్‌లో మాస్ హీరో ఇమేజ్ మాత్రం దక్కలేదు. సూపర్ స్టార్ కృష్ణకి క్లాస్ అండ్ మాస్ హీరోగా, డేరింగ్ అండ్ డాషింగ్ హీరోగా ఎంతటి క్రేజ్ ఉందో ప్రపంచవ్యాప్తంగా అందరికీ తెలిసిందే.

ఇకీ ఆయన నట వారసుడిగా ఇండస్ట్రీకొచ్చిన సూపర్ స్టార్ మహేష్ బాబుకి మాస్ ఆడియన్స్ లో మంచి క్రేజ్ వచ్చింది. పోకిరి, బిజినెస్ మేన్ లాంటి సినిమాలతో మహేష్ కి ఎలాంటి మాస్ ఇమేజ్ వచ్చిందో అందరికీ తెలిసిందే. మహేష్ బాబు కూడా ఒకవైపు క్లాస్ సినిమాలు చేస్తున్నప్పటికి ఆ సినిమాలలో మాస్ ఆడియన్స్ కి కావాల్సిన అంశాలను ఉండేలా చూసుకుంటున్నాడు. అదే క్రేజ్ సుధీర్ బాబుకి రావాలని అభిమాఉలు కోరుకుంటున్నారు. గత చిత్రం వి లో పోలీస్ ఆఫీసర్‌గా నటించాడు. ఒకరకంగా చెప్పాలంటే నాని కంటే సుధీర్ బాబుకే ఇందులో ఎక్కువ పేరొచ్చింది. ఇక ప్రస్తుతం ఈ హీరో నటిస్తున్న రెండు సినిమాలు షూటింగ్ దశలో ఉన్నాయి.

Sudheer babu : సుధీర్ బాబుకి శ్రీదేవి సోడాసెంటర్ ఎలాంటి మాస్ హిట్ ఇస్తుందో.

అందులో శ్రీదేవి సోడాసెంటర్ ఒకటి. ఈ సినిమా కంప్లీట్ మాస్ ఎంటర్‌టైనర్‌గా రూపొందుతోంది. గోదారి నేపథ్యంలో రాం చరణ్ నటించిన రంగస్థలం సినిమా మాదిరిగా ఉంటుందని చిత్ర బృందం చెబుతోంది. ఈ సినిమాలో గుబురు గడ్డం, మీసం, బాగా పెరిగిన జుత్తుతో సుధీర్ బాబు మాసీ లుక్ తో పోస్టర్ రిలీజైన సంగతి తెలిసిందే. ఈ పోస్టర్‌కి అభిమానుల నుంచి పాజిటివ్ రెస్పాన్స్ వచ్చింది. ‘పలాస’ ఫేం కరుణ కుమార్ మాస్ రొమాంటిక్ అండ్ యాక్షన్ ఎంటర్‌టైనర్‌గా దీని తెరకెక్కిస్తున్నాడు. ఆనంది హీరోయిన్‌గా నటిస్తున్న ఈ సినిమాను 70 ఎంఎం ఎంటర్టైన్మెంట్స్ బ్యానర్ నిర్మిస్తోంది. చూడాలి మరి సుధీర్ బాబుకి శ్రీదేవి సోడాసెంటర్ ఎలాంటి మాస్ హిట్ ఇస్తుందో.