Sundari: జెమినీ టీవీలో సూపర్ హిట్ రేటింగ్తో కొనసాగుతున్న దారావాహిక సుందరి. ఈ సీరియల్లో టైటిల్ రోల్ లో సుందరి పాత్ర పోషిస్తున్న త్రివేణి మనందరికీ సుపరిచితమే. ఈ ముద్దుగుమ్మ పూర్తి పేరు త్రివేణి యాదవ్. 1998 జనవరి 3వ తారీకున ఈ ముద్దుగుమ్మ గుంటూరులో జన్మించింది. ఇక స్కూల్ చదువులు అంతా కూడా గుంటూరులోనే కంప్లీట్ చేసింది. ఆంధ్ర యూనివర్సిటీలో త్రివేణి తన గ్రాడ్యుయేషన్ ని కంప్లీట్ చేసింది. ఇక చిన్నతనం నుంచే నటన పట్ల ఆసక్తి ఉండడంతో చదువు పూర్తి అయిన వెంటనే హైదరాబాద్ కి షిఫ్ట్ అయింది.
ముందుగా జీ తెలుగులో ప్రసారమైన ముత్యాలముగ్గు సీరియల్ లో తన నటనను నిరూపించుకుంది. ఈ సీరియల్ లో భూమి , నందిని కి క్లాస్మేట్స్ లో ఒకరిగా ఈమె ఓ కీ రోల్ ప్లే చేసింది. అదేవిధంగా ఈ ముద్దుగుమ్మ పలు సినిమాల్లో కూడా నటించి మెప్పించింది. సప్తగిరి, మిడిల్ క్లాస్ మెమోరీస్, క్రాక్, కెసిఆర్ బయోపిక్ వంటి సినిమాలలో నటించి మంచి ఫేమస్ అయ్యింది. అదేవిధంగా టిక్ టాక్ లో కూడా వీడియోలు చేస్తూ తనదైన నటనను నిరూపించుకుంది. ఇక ఈటీవీలో ప్రసారమైన ఢీ, జబర్దస్త్ కార్యక్రమాలలో కూడా ఈమె కొంతకాలం ఓ వెలుగు వెలిగింది.
అనంతరం జెమినీ టీవీలో సుందరి అనే సీరియల్ లో అవకాశం రావడంతో హీరోయిన్గా నటిస్తుంది. ప్రస్తుతం సుందరి సీరియల్ లో నలుపు రంగు వేషధారణ ధరించి తన యాక్టింగ్ స్కిల్స్ ను మరోసారి బయటకు తీస్తుంది. వాస్తవానికి ఈ ముద్దుగుమ్మ బయట ఎంతో నాజుకు అందాలతో నిండి ఉంటుంది. కానీ సీరియల్ కాన్సెప్ట్ ప్రకారం ఆమెకి నల్ల రంగు పూయాల్సి వచ్చింది. ఇక ఈ ముద్దుగుమ్మ ఒక్క సీరియల్స్ కి పరిమితం కాకుండా సినిమాలకి కూడా సైన్ చేస్తుంది.
ఇక ఈమెకి వచ్చిన డబ్బులో కొంత అనాధ ఆశ్రమాలకి కూడా ఇస్తున్నట్లు తెలుస్తుంది. సాధారణంగా ప్రస్తుత కాలంలో కోట్ల రెమ్యూనిరేషన్ పుచ్చుకునే హీరో మరియు హీరోయిన్లే అనాధ ఆశ్రమాలకి సాయం చేయాలంటే నాలుగుసార్లు ఆలోచిస్తున్నారు. అలాంటి ఈ ముద్దుగుమ్మ సీరియల్స్ లో నటిస్తూనే తనకి వచ్చిన సంపాదన నుంచి అనాధ ఆశ్రమాలకి ఇవ్వడం అనేది మామూలు విషయం కాదు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!