Spinach Juice: మనకు లభించే ఆకుకూరలలో పాలకూర ఒకటి.. మిగతా ఆకుకూరలతో పోలిస్తే దీనిలో పోషకాలు మెండుగా ఉన్నాయి.. పాలకురే కాదండోయ్ పాలకూర జ్యూస్ కూడా కొన్ని అనారోగ్య సమస్యలకు చెక్ పెడుతుంది.. అవెంటంటే..!!
రెండు కప్పుల పాలకూర తీసుకుని సన్నగా తరగాలి. ఒక్క ఆపిల్ తీసుకుని చిన్న చిన్న ముక్కలుగా కోసుకోవాలి. ఈ రెండింటినీ మిక్సి జారులో వేసి తగినన్ని నీళ్లు పోసి జ్యూస్ చేసుకోవాలి. ఇప్పుడు దీనిని వడపోసుకుని ఒక స్పూన్ నిమ్మరసం కలపాలి. అంతే తాగడానికి పాలకూర జ్యూస్ రెడీ.. ఈ రసం తాగితే అనేక ఆరోగ్య ప్రయోజనాలు కలుగుతాయి. ఒక కప్పు పాలకూర లో 7 కేలరీలు, 1 గ్రాము ప్రోటీన్, 1 గ్రాము కార్బోహైడ్రేట్స్, 0.7 ఫైబర్ మాత్రమే ఉంటాయి. బరువు తగ్గాలనుకునే వారికి ఇది బెస్ట్ జ్యూస్ గా చెప్పవచ్చు.
పాలకూరలో క్యాల్షియం, మెగ్నీషియం, ఐరన్, జింక్, పొటాషియం అధికంగా ఉంటాయి. ఇవి ఎముక సాంద్రత ను పెంచుతాయి. ఎముక సంబంధిత సమస్యలు తలెత్తకుండా చేస్తుంది. దృష్టి లోపం రాకుండా చేస్తుంది. కంటి ఆరోగ్యాన్ని మెరుగు పరుస్తాయి. మెదడు పనితీరును వేగవంతం చేస్తుంది. మన కండరాలకు తగిన శక్తిని అందిస్తుంది. జీవ క్రియను క్రమబద్ధీకరిస్తుంది. జీర్ణ వ్యవస్థను బలోపేతం చేస్తుంది. ఉదర సంబంధిత సమస్యలు రాకుండా చూస్తుంది. గుండె ఆరోగ్యాన్ని పదిలంగా ఉంచుతుంది. గుండె పోటు రాకుండా నివారిస్తుంది.