Constipation: ఈ రోజుల్లో ఎక్కువ మందిని వేదిస్తున్న సమస్య మలబద్ధకం.. నేటి ఆధునిక జీవన విధానం, ఆహారపు అలవాట్లు, సరైన సమయానికి ఆహారం తీసుకోక పోవటం, శరీరానికి కావలసిన నీరు అందించక పోవడం వలన ఈ సమస్య వస్తుంది.. మలబద్ధకం రోజువారీ జీవన విధానాన్ని అస్తవ్యస్తం చేస్తుంది.. ఇది అనేక రోగాలకు కారణమవుతుంది.. మలం పొట్టలో నిల్వ ఉండటం రక్తం లో కలిసి అనేక వ్యాధులకు నిలయంగా మారుతోంది..!! మలబద్ధకం తగ్గించుకోవడానికి ఇలా చేయండి..!!
Constipation: త్రిఫల తో మలబద్ధకం కు చెక్..!!
ఉసిరి కాయ, తనిక్కాయ, కరక్కాయ వీటిని సమాన మోతాదు లో తీసుకోవాలి. వీటిని ఎండబెట్టి దంచి పొడి చేసుకోవాలి. ఈ పొడిని 1 స్పూన్ తీసుకుని 1 గ్లాసు నీటిలో కలిపి అర గ్లాసు నీరు అయ్యే వరకు మరిగించాలి. ఈ నీటి లో చిటికెడు ఉప్పు కలిపి తాగాలి. బీపీ ఉన్నవారు ఈ నీటి లో నిమ్మ రసం కలుపుకుని తాగాలి. మలబద్దకం ఉన్నవారు ఉదయం, సాయంత్రం ఈ కషాయం తాగటం వలన మలబద్దకం సమస్య శాశ్వతంగా తగ్గిపోతుంది. అంతే కాకుండా త్రిఫల లో శక్తివంతమైన శోధ నిరోధక సమ్మేళనాలు ఉన్నాయి. ఇవి క్యాన్సర్ కణాలకు వ్యతిరేకంగా పోరాడుతుంది. ఇంకా శరీరం లోని చెడు కొలెస్ట్రాల్ ను తొలగిస్తుంది. ఒత్తిడిని తగ్గించడం లో సహాయపడుతుంది.
బెల్లం తురుము ను నెయ్యి తో కలిపి తీసుకుంటే మలబద్దకం సమస్య తగ్గిపోతుంది. ఈ రెండు కలిపి తీసుకుంటే జీర్ణం సాఫీగా అవుతుంది. మన తీసుకునే ఆహారం లో పెరుగు ఎక్కువగా తీసుకోవాలి. మస్క మెలన్ ను సాయంత్రం స్నాక్స్ గా తీసుకోవాలి. నువ్వుల నూనె తో పొట్ట చుట్టూ రాసుకోవాలి. అలాగే వేడి నీటితో స్నానం చేయాలి.
మలబద్దకం సమస్య ఉన్నవారు ఎక్కువగా గోరు వెచ్చని నీటిని తాగుతూ ఉండాలి. మీ ఆహారం లో పీచు పదార్థాలు ఎక్కువగా ఉండేలా చూసుకోవాలి. ఫైబర్ కంటెంట్ ఎక్కువగా ఉన్న ఆహారం తీసుకోవడం వల్ల త్వరగా జీర్ణమవుతుంది. ఫలితంగా మలబద్ధకం సమస్య కాకుండా చేస్తుంది. నీటిని ఎక్కువగా తాగాలి. గంటలకొద్దీ కంప్యూటర్ ముందు కూర్చుని పని చేసే వారు ప్రతి అరగంటకు ఒక సారి లేచి నడవాలి. శారీరక శ్రమ కొంచెం చేయాలి. మంచి నీరు, పండ్ల రసాలను తాగాలి. డైట్ లో ఆకుకూరలు, కూరగాయలు, పండ్లను ఎక్కువగా తీసుకోవాలి.