బిగ్ బాస్ – 4 మొన్న ఆదివారం నుండే ప్రారంభమైంది. మొదటి ఎపిసోడ్ కొంచెం చప్పగా…. ఏడుపులు పెడబొబ్బలు తో నడిచింది. తెలుగు రియాల్టీ షోలో ఇప్పటివరకు రేటింగ్ పరంగా నెంబర్ వన్ గా కొనసాగుతున్న బిగ్ బాస్ ప్రపంచంలోనే ఎంతో ప్రజాదరణ పొందిన రియాల్టీషో. అయితే బిగ్ బాస్ సీజన్ లో వచ్చిన 16 మంది కంటెస్టెంట్స్ ప్రేక్షకులకు మొదటి చూపులో పెద్దగా నచ్చలేదు. అక్కడక్కడ ఒకరిద్దరుకి ప్రజలు కనెక్ట్ అయారే తప్పించి వారిలో చివరిగా లిస్టులో చేరిన గంగవ్వ తప్పించి మిగతా వారు ఎవరికీ పెద్ద ఫాలోయింగ్ కూడా ఏర్పడలేదు.
ఆట కొనసాగే కొద్దీ జనాలు ఎవరో ఒకరు వైపుకి మళ్ళిపోతారు అనుకోండి అది వేరే విషయం. అయితే ప్రస్తుతానికి మాత్రం బిగ్ బాస్ షో నిర్వాహకులు హైప్ అంతా గంగవ్వ చుట్టూనే ప్లాన్ చేస్తున్నట్లు ఉన్నారు. అందుకే ప్రతి ప్రోమో లోను ఆమెను హైలైట్ చేస్తున్నారు. ఆమెతో మాట్లాడే మాటలు ఆమె వేసే సెటైర్లే వీడియోలగా బయటకు వస్తున్నాయి. అలాగే హౌస్ లో కూడా అందరికీ ఆమెకు బయట మంచి ఫాలోయింగ్ ఉందని అర్థమయింది.
అందుకే ఎలాగైనా ఆమె సురక్షితురాలు అవుతుందని అందరూ నిన్న ఆమెని నామినేట్ చేశామని చెప్పారు. గంగవ్వ మాత్రం తనకివేమీ తెలియనట్లు అమాయకపు ముఖంతో హౌస్ లో అందరితో మంచిగా కలిసిపోతుంది. ఇక బయట ఉన్నవారు కూడా గంగవ్వకే ఎక్కువగా సపోర్ట్ చేయడం గమనార్హం. అవ్వనే గెలిపించాలని టార్గెట్ గా కొంతమంది పెట్టుకున్నారు. ఇక హౌస్ లో ఉన్న వాళ్ళు కూడా గంగవ్వ స్ట్రాంగ్ కంటెస్టెంట్ అని ఫిక్స్ అయిపోయిన తర్వాత బయట కూడా తనకు మంచి పాపులారిటీ వస్తుండడంతో గంగవ్వ తన గేమ్ ప్లాన్ మారుస్తుందా లేదా ఇలాగే తన స్వచ్ఛమైన స్వభావంతో ఉంటుందా అన్నది వేచిచూడాలి.