Health Insurance: ఎప్పుడు ఏ అనారోగ్య సమస్య వస్తుందో తెలియదు. ప్రైవేటు ఆసుపత్రులకు వెళితే వేలు, లక్షల్లో ఖర్చు అయ్యే పరిస్థితి ఉంది. కరోనా వచ్చిన తరువాత వైద్య ఖర్చులు మరింతగా పెరిగాయి. చిన్న రుగ్మతతో ప్రైవేటు ఆసుపత్రులకు వెళితే ఆ టెస్టులు, ఈ టెస్ట్ లు అంటూ వేలల్లో బిల్లు చేతులో పెడుతున్నారు. ప్రస్తుతం వైద్యం చాలా ఖర్చుతో కూడుకున్నది అయిపోయింది. దీంతో ఎక్కువ మంది హెల్త్ కార్డు ఉంటే ఆసుపత్రుల్లో క్యాష్ లెస్ సేవలను పొందే అవకాశం ఉండటంతో హెల్త్ కార్డులను తీసుకునేందుకు ఆసక్తి కనబరుస్తున్నారు.
Read More: Pregnancy: అవాంఛిత గర్భం రాకుండా కొన్ని సురక్షితమైన పద్ధతులు ఇవే !!(పార్ట్ -2)
ఆలస్యం అమృతం విషం అన్న సామెత ఉంది. హెల్త్ ఇన్సూరెన్స్ తీసుకోవాలనుకునేవారు చాలా మంది ఇప్పుడు కాదులే వచ్చే ఏడాది చూద్దాం అనుకుంటుంటారు. కానీ అది కరెక్ట్ కాదు. ఎందుకంటే వయసు పెరుగుతున్న కొద్దీ జబ్బుల బారిన పడే ప్రమాదం ఎక్కువగా ఉన్నందున తక్కువ వయసులో హెల్త్ కార్డు తీసుకోవడం మేలు. ఇక్కడ మరో విషయం ఏమిటంటే హెల్త్ ఇన్సూరెన్స్ కి చెల్లించే ప్రీమియం మొత్తం పన్ను మినహాయింపు కింద వాడుకోవచ్చు. పన్ను మినహాయింపు ఎలా పొందాలనేది ఇన్సూరెన్స్ సలహాదారులు తెలియజేస్తారు.
హెల్త్ ఇన్సూరెన్స్ కార్డు ఉంటే కుటుంబానికి భద్రత ఉంటుందనేది నిపుణుల వాదన. ఆర్థికంగా బలంగా ఉన్నప్పుడే భధ్రత ఎక్కువగా ఉంటుందనేది ప్రస్తుతం కనిపిస్తున్న అంశం. ఎందుకంటే ప్రతి పని డబ్బు చుట్టూ తిరుగుతుంటుంది. అందువల్ల డబ్బు ముఖ్యం. అయితే అందరి వద్దా కావాల్సిన డబ్బు ఉండదు. అత్యవసర వైద్య అవసరాల సమయంలో ఎటువంటి ఇబ్బందులు తలెత్తకుండా ఉండాలంటే ఇన్సూరెన్స్ చాలా మేలు కలిగిస్తుందని సలహదారులు సూచిస్తున్నారు.