Hair Care: చాలా మంది ప్రస్తుతం బట్టతల సమస్యతో బాధపడుతున్నారు. గతంలో వయసు మీద పడిన వారికి మాత్రమే వెంట్రుకలు ఊడిపోయి బట్టతల వచ్చేది. కానీ ఇప్పుడు వయసుతో నిమిత్తం లేకుండా యువకులు బట్టతల సమస్యతో సతమతమవుతున్నారు. మారిన ఆహారపు అలవాట్లు, టెన్షన్, కాలుష్యం తదితర కారణాల వల్ల పాతికేళ్ల యువకులు కూడా బట్టతలతో ఇబ్బందులు పడుతున్నారు. తలపై వెంట్రుకలు లేక నలుగురిలో కలవలేక మానసిక ఒత్తిడికి గురి అవుతున్నారు. అయితే ఈ సమస్య పురుషుల్లోనే కాదు మహిళలు జుట్టు రాలే సమస్యతో బాధపడుతున్నారు. పురుషుల కంటే మహిళలకు జుట్టు సౌందర్యానికి ఎక్కువ ఇంపార్టెన్స్ ఇస్తుంటారు. అందంగా జడ వేసుకోవాలి, పువ్వులు పెట్టుకోవాలి అని భావిస్తుంటారు. యువతులు ప్రతి రోజు ఊడిపోతున్న జుట్టును చూసి ఆందోళన చెందుతున్నారు.
అయితే ఈ సమస్యపై జామ ఆకులు బాగా పని చేస్తాయి. జుట్టు ఊడకుండా కాపాడతాయి. కేవలం జుట్టు రాలడాన్ని నివారించడమే కాక కొత్త జుట్టు పెరిగేందుకు కూడా జామ ఆకులు ఉపయోగపడతాయట. జుట్టు కుదుళ్లను బలంగా మార్చి ఆరోగ్యంగా ఉంచుతాయిట. జామలో విటమిన్ బీ 6 పుష్కలంగా ఉంటుంది. ఇది జుట్టు కుదుళ్లను బలంగా చేసేందుకు దోపదపడుతుంది. జుట్టు ఒత్తుగా పెరుగుతుంది.
ఎలా వాడాలంటే..
ఒక గిన్నెలో నీళ్లు పోసి కొన్ని జామ ఆకులు వేసి బాగా మరగించాలి. దాదాపు 20 నిమిషాల పాటు ఆకులను ఉడకబెట్టాలి. ఆ నీళ్లు చల్లారి గోరువెచ్చగా మారిన తరువాత కొంచెం కొంచెంగా తీసుకుని తలపై భాగాన మర్ధన చేయాలి. జామ ఆకు నీటితో దాదాపు పది నిమిషాల పాటు తల మొత్తం బాగా రద్దుకోవాలి. ముఖ్యంగా కుదుళ్ల వద్ద మంచిగా మసాజ్ చేసుకోవాలి. ఆ తర్వాత రెండు గంటల పాటు అలాగే వదిలివేయాలి. రాత్రి పడుకునే ముందు ఇలా మర్ధన చేసుకుని తలకు టవల్ చట్టుకుని నిద్రపోవచ్చు. జుట్టు ఊడిపోతుందన్న భయంతో ఏవో షాంపులు, నూనెలు వాడే బదులుగా ఇలా ప్రయత్నించడం వల్ల మంచి ఫలితాలు వస్తాయని ఆయుర్వేద వైద్య నిపుణులు సూచిస్తున్నారు.
