Neeraj Chopra: టోక్యో ఒలింపిక్స్ లో సువర్ణ పతకాన్ని సాధించి సరికొత్త అధ్యాయాన్ని లిఖించాడు నీరజ్ చోప్రా..!! ఒలింపిక్స్ చరిత్రలో 121 ఏళ్ల కలను నిజం చేసి చూపించాడు జావెలిన్ త్రోయర్ నీరజ్..!! దీంతో ఓవర్ నైట్ స్టార్ అయిపోయాడు.. అందరూ నెట్ లో నీరజ్ చోప్రా ఆహారపు అలవాట్లు గురించి సెర్చ్ చేస్తున్నారు.. తమ అభిమాన ఆటగాడి ఇష్టమైన ఫుడ్ ఏంటో తెలుసుకుంటున్నారు.. మరి నీరజ్ చోప్రా ఇష్టంగా ఏం తింటాడో ఇప్పుడు తెలుసుకుందాం..!!
23 ఏళ్ల నీరజ్ చోప్రా కి స్వీట్స్ అంటే ప్రాణం.. ఒలింపిక్స్ పూర్తవగానే ముందుగా స్వీట్స్ తింటానని ఇదివరకే అన్నాడు.. బ్రెడ్ ఆమ్లెట్, పాని పూరీ యమా ఇష్టంగా లాగించేస్తాడట.. వారం రోజులలో ఏ సమయంలోనైనా వీటిని తినడం ఎంతో ఇష్టమని చెప్పాడు. పానీ పూరీ లో ఎక్కువగా నీరే ఉంటుందని, వీటి వలన క్రీడా కారులకు ఎలాంటి అపాయం ఉండదని వివరించారు.. తన కోసం సాల్టెడ్ రైస్ వండుకుంటాడు. టోర్నమెంట్ సమయాల్లో సలాడ్లు, ఫ్రూట్స్ తింటాడు. ప్రాక్టీస్ చేసేటప్పుడు మాత్రం ఫ్రూట్ జ్యూస్ ఎక్కువగా తీసుకుంటాడు. ఏ దేశంలో పోటీలకు హాజరైతే అక్కడ దొరికే ఆహారాన్ని తీసుకుంటాడు.. ఇటీవలే తన డైట్ లోకి సాల్మన్ ఫిష్ ను చేర్చుకున్నాడు.. స్నాక్స్, ఫ్రైడ్ రైస్, మట్కా కుల్ఫీ ను ఇష్టంగా తింటాడు.