వివో కంపెనీ X50, X50 ప్రొ స్మార్ట్ఫోన్లను భారత మార్కెట్లో విడుదల చేసింది. ఈ రెండు ఫోన్లలోనూ పలు ఫీచర్లను కామన్గా అందిస్తున్నారు. ఈ రెండింటిలోనూ 6.56 ఇంచుల అమోలెడ్ డిస్ప్లేను ఇచ్చారు. ఇది ఫుడ్ హెచ్డీ ప్లస్ రిజల్యూషన్ను కలిగి ఉంది. గేమ్లను ఆడుకునే వారికి వీలుగా ఈ డిస్ప్లే 90 హెడ్జ్ రిఫ్రెష్ రేట్ను కలిగి ఉంది. X50 ఫోన్లో స్నాప్డ్రాగన్ 730 ఆక్టాకోర్ ప్రాసెసర్ను ఇవ్వగా, X50 ప్రొ ఫోన్లో స్నాప్డ్రాగన్ 765జి ఆక్టాకోర్ ప్రాసెసర్ను ఇచ్చారు. అందువల్ల X50 ప్రొ ఫోన్ 5జి కి సపోర్ట్ను ఇస్తుంది.
ఈ ఫోన్లలో 8జీబీ ర్యామ్ను, 128, 256 జీబీ ఇంటర్నల్ స్టోరేజ్ ఆప్షన్లను ఇచ్చారు. ఆండ్రాయిడ్ 10 ఆధారంగా ఈ ఫోన్లు పనిచేస్తాయి. డ్యుయల్ సిమ్ వేసుకోవచ్చు. X50 ఫోన్లో వెనుక వైపు 48 మెగాపిక్సల్ మెయిన్ కెమెరాతోపాటు 8, 13, 5 మెగాపిక్సల్ కెపాసిటీ ఉన్న మరో 3 కెమెరాలను ఇచ్చారు. అలాగే X50 ప్రొ ఫోన్లో వెనుక వైపు 48 మెగాపిక్సల్ మెయిన్ కెమెరాతోపాటు 8, 8, 13 మెగాపిక్సల్ కెపాసిటీ ఉన్న 3 కెమెరాలను ఇచ్చారు. రెండు ఫోన్లకు ముందు భాగంలో 32 మెగాపిక్సల్ కెమెరా ఉంది. వీటిలో ఇన్ డిస్ప్లే ఫింగర్ ప్రింట్ సెన్సార్ను ఇచ్చారు.
యూఎస్బీ టైప్ సి పోర్టును ఈ ఫోన్లలో ఇచ్చారు. డ్యుయల్ 4జి సిమ్లను వేసుకుని ఉపయోగించవచ్చు. X50 ఫోన్లో 4200 ఎంఏహెచ్ కెపాసిటీ ఉన్న బ్యాటరీని ఇవ్వగా, X50 ప్రొ ఫోన్లో 4315 ఎంఏహెచ్ కెపాసిటీ ఉన్న బ్యాటరీని ఇచ్చారు. రెండు ఫోన్లలో ఫాస్ట్ చార్జింగ్ ఫీచర్ను ఉపయోగించుకోవచ్చు.
వివో X50 స్మార్ట్ ఫోన్ 8జీబీ ర్యామ్, 128 జీబీ స్టోరేజ్ వేరియెంట్ ధర రూ.34,990. 8జీబీ ర్యామ్, 256 జీబీ స్టోరేజ్ వేరియెంట్ ధర రూ.37,990. వివో X50 ప్రొ స్మార్ట్ఫోన్ 8జీబీ ర్యామ్, 256 జీబీ స్టోరేజ్ మోడల్ ధర రూ.49,990. జూలై 24 నుంచి ఆన్లైన్, ఆఫ్లైన్ స్టోర్లలో ఈ ఫోన్లను కొనవచ్చు.