మొబైల్స్ త‌యారీ కంపెనీ రియల్మి 5 రోజుల పాటు ప్ర‌త్యేక సేల్‌ను నిర్వ‌హించ‌నుంది. రియల్మి ఆన్‌లైన్ స్టోర్‌లో ఈ సేల్ జ‌రుగుతుంది. రియల్మి యూత్ డేస్ పేరిట సేల్‌ను నిర్వ‌హిస్తారు. ఆగ‌స్టు 24 నుంచి 28వ తేదీ వ‌ర‌కు సేల్ కొన‌సాగ‌నుంది. ఇందులో రియల్మి స్మార్ట్ ఫోన్స్, ఇయ‌ర్ ఫోన్స్, ప‌వ‌ర్ బ్యాంక్స్‌, ఇత‌ర రియ‌ల్ మి ప్రొడ‌క్ట్స్ పై 60 శాతం వ‌ర‌కు డిస్కౌంట్ ఇస్తారు.
ఈ సేల్‌కు గాను రియల్మి ప్ర‌త్యేకంగా ఓ వెబ్‌సైట్‌నే అందుబాటులో ఉంచ‌నుంది. సేల్‌లో భాగంగా రూ.499 ధ‌ర ఉన్న రియల్మి వాచ్ స్ట్రాప్ ను రూ.249కే విక్ర‌యిస్తారు. రూ.3,999 ధ‌ర ఉన్న రియల్మి బ‌డ్స్ ఎయిర్ వైర్ లెస్ ఇయ‌ర్ బ‌డ్స్ ను రూ.2,999కే అమ్ముతారు. అలాగే రియల్మి 6, ఎక్స్ 2 ప్రొ, ఎక్స్, రియ‌ల్ మి ఎక్స్50 ప్రొ ఫోన్స్ పై డిస్కౌంట్స్ ఇస్తారు.
రియల్మి బ‌డ్స్ ఎయిర్ నియో, బ‌డ్స్ క్యూ ఇయ‌ర్‌బ‌డ్స్‌, బ‌డ్స్ వైర్‌లెస్‌, బ‌డ్స్ ఎయిర్ పై డిస్కౌంట్స్ పొంద‌వ‌చ్చు. రియల్మి ప‌వ‌ర్ బ్యాంక్‌ను రూ.1,999 ధ‌ర‌కు కొన‌వ‌చ్చు. రియల్మి వాచ్, స్మార్ట్ బ్యాండ్‌ను కూడా తగ్గింపు ధ‌ర‌కే ఇస్తారు. రియల్మి బ్యాక్ ప్యాక్‌, రియల్మి టోట్ బ్యాగ్‌ల‌ను కూడా త‌క్కువ ధ‌ర‌ల‌కే కొన‌వ‌చ్చు.