బిగ్ బాస్.. ఓ సంచలనం. భాషాభేదాలు లేకుండా ఆ షో ఎంత పాపులర్ అయిందో అందరికీ తెలుసు. ముందుగా హిందీలో ప్రారంభం అయినా.. తర్వాత నెమ్మదిగా ఇతర భాషల్లోకి కూడా ఈ షో వచ్చేసింది.
ప్రస్తుతం అన్ని సౌత్ ఇండియన్ భాషల్లో ఈ షో నడుస్తోంది. తెలుగులోనూ ఇప్పటికే మూడు సీజన్లను పూర్తి చేసుకొని నాలుగో సీజన్ లోకి ఎంట్రీ ఇచ్చింది.
తెలుగులో ప్రసారం అయిన మూడు సీజన్లు కూడా సూపర్ డూపర్ హిట్ అయ్యాయి. తెలుగులో ఏ షోకు రానంత పాపులారిటీ బిగ్ బాస్ తెలుగు షోకు వచ్చింది. దీంతో నాలుగో సీజన్ ను ఇంకాస్త ఇంట్రెస్టింగ్ గా, ప్రేక్షకులకు నచ్చేలా తీసుకొస్తున్నారు బిగ్ బాస్ నిర్వాహకులు.
బిగ్ బాస్ షోలో సెలెక్ట్ అవడమంటే మాటలు కాదు. ఏదో ఒక స్పెషల్ టాలెంట్ ఉన్న వివిధ రంగాల సెలబ్రిటీలను ఈ షోలో తీసుకుంటారు.
ఈ షోలో సెలెక్ట్ అయితే పేరుకు పేరు, డబ్బు రెండూ వస్తాయి. అందుకే బిగ్ బాస్ ఆఫర్ వచ్చిందంటేనే ఎగిరి గంతేస్తారు. అయితే.. కొందరు సెలబ్రిటీలు మాత్రం తమకు బిగ్ బాస్ షో ఆఫర్ వచ్చినా తృణప్రాయంగా వదిలేశారు.
బిగ్ బాస్ షో నుంచి పిలుపు వస్తే.. సున్నితంగా తిరస్కరించారు. నో చెప్పేశారు. వచ్చిన అవకాశాన్ని వద్దనుకున్నారు. వాళ్లలో మొదటి వ్యక్తి తరుణ్. అవును.. ఒకప్పటి లవర్ బాయ్ తరుణ్ బిగ్ బాస్ షోకు నో చెప్పాడట. బిగ్ బాస్ మొదటి సీజన్ నుంచి తరుణ్ ను తీసుకోవాలని ప్రయత్నిస్తున్నారు. కానీ.. తరుణ్ మాత్రం బిగ్ బాస్ ఆఫర్ కు నో చెబుతూ వస్తున్నాడు. నేను బిగ్ బాస్ షోలోకి ఎప్పటికీ రాను.. అని ఓ ప్రకటన కూడా ఇచ్చేశాడు తరుణ్. దీంతో బిగ్ బాస్ నిర్వాహకులు కూడా తరుణ్ మీద ఉన్న ఆశను వదిలేసుకున్నారు.
ఇక.. మరో నటి శ్రద్ధా దాస్. తనకు భారీగా రెమ్యునరేషన్ ఇస్తామన్నా నో చెప్పిందట. మూడో సీజన్ లో కూడా నో చెప్పిన శ్రద్ధా.. 4వ సీజన్ ను కూడా తిరస్కరించేసింది.
యాంకర్ విష్ణుప్రియ, యాంకర్ రవి, యూట్యూబ్ స్టార్ సునయన, యాంకర్ రష్మీ గౌతమ్, హైపర్ ఆది కూడా బిగ్ బాస్ ఆఫర్ ను తిరస్కరించారట. మరోవైపు నటి కల్పిక గణేశ్ కూడా ఆఫర్ కు నో చెప్పిందట.
మీకు ఇంకో విషయం తెలుసా? ఇన్నిరోజులు రఘు మాస్టర్, ఆయన భార్య ప్రణవి.. ఇద్దరూ బిగ్ బాస్ ఇంట్లోకి వెళ్తున్నారని అనుకున్నాం కదా. కానీ.. వాళ్లు కూడా బిగ్ బాస్ ఆఫర్ ను తిరస్కరించారట.
ఏదిఏమైనా.. బిగ్ బాస్ షోకు తెలుగు రాష్ట్రాల్లో ఉన్న క్రేజే వేరు. ఇక.. అన్ని సస్పెన్స్ ను వీడి.. సెప్టెంబర్ 6న సాయంత్రం 6 గంటలకు బిగ్ బాస్ షో ప్రారంభం కానుంది.