బిగ్ బాస్ రియాల్టీ షో ఆరో వారానికి చేరుకున్న సంగతి తెలిసిందే. నాగార్జున హోస్ట్ గా వ్యవహరిస్తున్న ఈ నాలుగో సీజన్ ఆడియన్స్ ను ఎంతగానో ఆకట్టుకుంటుంది. ఆరవ వారంలో అడుగుపెట్టిన ఈ షోలో … గంగవ్వ, సుజాత బయటకు వచ్చిన సంగతి తెలిసిందే. ఇదిలా ఉండగా హౌస్ నుండి గంగవ్వ నేరుగా ఎలిమినేట్ కావడం ప్రేక్షకులు మరియు ఆమె అభిమానులు జీర్ణించుకోలేక పోయారు. హౌస్ లో ఆమె ఉన్నంతకాలం మిగతా కంటెస్టెంట్ లు ఒకవైపు గంగవ్వ ఒకవైపు అన్నట్టుగా షో సాగింది.
దీంతో బయట జనాలు చాలావరకు ఈ సారి బిగ్ బాస్ విన్నర్ గంగవ్వా అని డిసైడ్ అయ్యారు. కాని గంగవ్వ ఎవరూ ఊహించని విధంగా బ్యాగ్ సర్దేసింది. పల్లెలో కాలక్షేపాలు చేసే గంగవ్వ అలా ఒకే ఇంటిలో అపరిచితులతో కలిసి ఉండలేక పోయింది. ఇక హౌస్ నుండి బయట అడుగు పెట్టిన గంగవ్వ బయట ఇంటర్వ్యూలు మీద ఇంటర్వ్యూ ఇస్తూ ఉంది.
ఈ క్రమంలో హౌస్ లో ఉన్న అనుభవాలు గురించి ఇంటి సభ్యులు గురించి అనేక విషయాలు చెప్పుకొస్తుంది. ఈ నేపథ్యంలో ఈసారి టైటిల్ ఎవరు గెలుస్తారో అనేదాని గురించి జోస్యం చెప్పింది గంగావ్వ. ఈ సారి జబర్దస్త్ ఫేమ్ ముక్కు అవినాష్ టైటిల్ విన్నర్ అంటూ చెప్పుకొచ్చింది. దీంతో సోషల్ మీడియాలో గాంగవ్వ చేసిన కామెంట్స్ పై నెటిజన్స్ డిస్కషన్స్ స్టార్ట్ చేశారు. టైటిల్ ఆల్రెడీ డిసైడ్ అయ్యి గేమ్ జరుగుతుందా ? లేకపోతే ఫెయిర్ గేమ్ నా అన్న అనుమానాలు కలుగుతున్నాయి.