బిగ్ బాస్ తెలుగు 4వ సీజన్ లో వచ్చే గాసిప్స్ ఏ సీజన్ లోనూ రాలేదు. ఈ సీజన్ ప్రారంభం కాకముందు.. కంటెస్టెంట్లు ఎవరు.. అనే దానిపై ఎన్నో వార్తలు వచ్చాయి. వాళ్లు.. వీళ్లు.. అంటూ ఎవరికి నచ్చిన పేర్లు వాళ్లు రాసి సోషల్ మీడియాలో షేర్ చేశారు. వైరల్ చేశారు. కానీ.. చివరకు ఎవరూ ఊహించని వాళ్లు బిగ్ బాస్ హౌస్ లో అడుగుపెట్టారు.
ఏది ఏమైనా ప్రస్తుతం బిగ్ బాస్ సీజన్ 4 కాస్త ఊపుమీదనే నడుస్తోంది. ఈ సీజన్ కూడా బాగానే పాపులర్ అయింది. ఇప్పటికే ఆరుగురు కంటెస్టెంట్లు ఎలిమినేట్ అయ్యారు.
ప్రస్తుతం హౌస్ లో 12 మంది సభ్యులు ఉన్నారు. అలాగే హోస్ట్ నాగార్జున కూడా బిగ్ బాస్ షోను తన ఈజ్ తో వీకెండ్ ఎపిసోడ్లలో ఎక్కడికో తీసుకుపోతున్నారు.
అయితే.. ఈ వారం హోస్ట్ గా నాగార్జున రావడం లేదట. ఆయన ప్రస్తుతం కులుమనాలిలో ఉన్నారు. వైల్డ్ డాగ్ సినిమా షూటింగ్ బిజీలో ఉన్నారు ఆయన. దీంతో ఈ వారం వీకెండ్ ఎపిసోడ్స్ ఎవరితో చేయించాలా? అని బిగ్ బాస్ నిర్వాహకులు ఆలోచిస్తున్నారట. ఇప్పటికే జబర్దస్త్ రోజాను ఈ వీకెండ్ ఎపిసోడ్స్ కోసం తీసుకున్నారని వార్తలు వచ్చినా.. అవి పుకార్లుగానే మిగిలిపోయాయి.
ఎందుకంటే.. మామ ప్లేస్ ను కోడలు భర్తీ చేస్తోందట. నాగార్జున బదులుగా ఈ వీకెండ్ లో అక్కినేని కోడలు సమంత బిగ్ బాస్ షోను హోస్ట్ చేయబోతోందట. నాగార్జున కూడా సమంతను రికమెండ్ చేశారట. దీంతో బిగ్ బాస్ నిర్వాహకులు.. ఆమెను సంప్రదించడం.. ఆమె గ్రీన్ సిగ్నల్ ఇవ్వడం కూడా అయిపోయిందట. ఈ వీకెండ్ షోలో పాల్గొనడం కోసం సమంత సిద్ధం అవుతోందట. చూద్దాం మరి.. మామను మించిన కోడలు సమంత అవుతుందో లేదో?