ప్రస్తుతం కార్ల వినియోగం ఎక్కువగా ఉంది. ప్రతి 10 మందిలో ఇద్దరు కచ్చితంగా కారు వినియోగిస్తున్న వారే. చాలామందికి ఏంటంటే కొత్తగా వాహనం తీసుకున్నాను. కానీ మైలేజ్ ఎక్కువగా రావడం లేదు అంటుంటారు. దానికి కారణమేంటో ఇప్పుడు తెలుసుకుందాం..!
ఎయిర్ ఫిల్టర్ శుభ్రం చేసుకోకపోయినా, మార్చకపోయినా దాని పర్యవసనాలు మైలేజ్ పైన పడుతుంది. ఇలా ఎందుకు జరుగుతుంది అంటే ఫైర్ ఇంజన్ లో ఫైర్ జరగాలంటే సరిపోయినంత గాలి వెళ్లాలి అలా వెళ్లకపోతే ఎక్కువగా ఫ్యూయల్ తీసుకొని తక్కువ గాలిని తీసుకుంటుంది. మనిషి శరీరంలో రక్తాన్ని శుద్ధి చేసే మాదిరిగానే, కారు ఇంజన్ లోకి వచ్చే గాలిని శుద్ధి చేసేదే ఎయిర్ ఫిల్టర్. ఇంజన్లో ఇది కీలకమైన భాగం.
ఎయిర్ ఫిల్టర్ ఉపయోగాలు
ఉదాహరణకు ఇంజన్ ఒక లీటర్ ఇంధనాన్ని మండించాలంటే దానికి పది వేల రెట్ల స్వచ్ఛమైన గాలి అవసరం. ఫిల్టర్ చేయబడిన గాలి సాయంతో ఇంజన్లో ఇంధనం మరింత స్పష్టంగా మండుతుంది. ఫలితంగా ఇంజన్ సామర్థ్యం పెరుగుతుంది. అంతేకాకుండా దుమ్ము, ధూళి నుంచి కాపాడుతుంది. మంచి ఎయిర్ ఫిల్టర్ వలన ఇంజన్ సామర్థ్యం తో పాటుగా మైలేజ్ కూడా పెరుగుతుంది. అంతేకాకుండా ఇంజన్ నుంచి వెలువడే కర్బన ఉదాఘరాలను తగ్గించేందుకు, మంచి యాక్సిలరేషన్ కోసం, ఇంజన్ జీవితకాలం పెంచేందుకు, కార్ పర్ఫామెన్స్ మెరుగుపరిచేందుకు ఇది ఉపయోగపడుతుంది.
ఫిట్ చేసుకోవడం ఎలా
దీన్ని మార్చడం కోసం రెండు నిమిషాల వ్యవధి పడుతుంది. చిన్న స్క్రూ డ్రైవర్ తో బిగించుకోవచ్చు. దీని ధర కేవలం 400 రూపాయలు మాత్రమే. తరచూ మట్టిరోడ్లు దుమ్ము ధూళి ఎక్కువగా ఉండే రోడ్లపై తిరిగే కార్లలో
20-30 శాతం వరకు మైలేజ్ చూపిస్తుంది.
పూర్తిగా ఎయిర్ ఫిల్టర్ పాడైపోతే 40 శాతం వరకు మైలేజ్ పడిపోతుంది. ఎక్కువగా కార్ ను ఉపయోగిస్తే ప్రతి మూడు నెలలకోసారి మార్చుకుంటే ఫలితాన్ని మీరే చూడ అవచ్చు. ఎట్టి పరిస్థితుల్లోనూ ఎయిర్ ఫిల్టర్ ను మార్చడం మర్చిపోకండి. ఎయిర్ ఫిల్టర్, ఇంజిన్ ఆయిల్, కూలంట్ ఆయిల్ మార్చకపోతే మనమే మన ఇంజన్నీ పాడు చేసుకున్నట్లు. దీని వలన మొదట పిక్ అప్ డ్రాప్ అవుతుంది. తర్వాత పవర్ లాక్ అవుతుంది. చివరికి ఇంజన్ పై లోడు పడి బోర్ పాడవుతుంది. ఇంత చిన్నది మార్చుకోకపోతే ఎంత పెద్ద ప్రమాదమో చూశారా. ఇకనైనా ఎయిర్ ఫిల్టర్ ను మూడు నెలలకి లేదా పీరియాడికల్ సర్వీస్ చేయించుకున్నప్పుడు ఖచ్చితంగా మార్చుకోండి.