వామ్మో.. విలక్షణ నటుడు కోట శ్రీనివాస రావు మామూలు పంచులు వేయరుగా. ఆయన ఏజ్ పెరిగింది కానీ.. ఆయనలో ఉన్న నటుడు, ఆయనలో ఉన్న హాస్యం మాత్రం పోలేదు. ఈ వయసులోనూ ఆయన హుషారు చూస్తుంటే తెలుగు ప్రేక్షకులకు ముచ్చటేస్తుంది.
ఇటీవల ఆలీతో సరదాగా అనే షోకు కోట వెళ్లారు. కోట అంటే మనకు గుర్తొచ్చే మరో పేరు బాబు మోహన్. అవును.. ఇద్దరు కలిసి ఆ షోకు గెస్టులుగా వెళ్లారు. ఇద్దరు కలిసి ఓసారి తాము కలిసి నటించిన సినిమాల గురించి నెమరు వేసుకున్నారు.
అయితే.. కోట శ్రీనివాస రావు మాత్రం.. అప్పుడు ఎలా ఉన్నారో… ఇప్పుడు కూడా అలాగే ఉన్నారు. ఏమాత్రం మారలేదు. తన వాక్చాతుర్యం.. తన హుషారు.. ఆలీనైతే ఓ ఆట ఆడుకున్నారు కోట.
బాబాయ్ అని ఆలీ పిలిస్తే.. ఎవరు బాబాయ్.. ఇంటర్వ్యూకు పిలిచి బాబాయ్ అని పిలుస్తున్నావేంటి అంటూ ఆలీకి కౌంటర్ ఇచ్చారు కోట. సారీ కోటా గారు.. అంటూ వెంటనే ఆలీ అనడం.. బాబు మోహన్ గురించి కూడా కొన్ని నిజాలను కోట.. ఆలీతో పంచుకున్నారు.
దానికి సంబంధించిన ఎపిసోడ్ ను తాజాగా యూట్యూబ్ లో అప్ లోడ్ చేశారు. మొత్తానికి కోట మాత్రం మామూలుగా పంచులు వేయడం లేదు. నేను జులైలో పుట్టాను కాబట్టే జులాయినయ్యాను అంటూ షోలో మామూలు పంచులు వేయలేదు కోట.
ఇంకెందుకు ఆలస్యం… ఆలీతో కోట, బాబు మోహన్ సరదా సంభాషణను మీరు కూడా చూసి ఎంజాయ్ చేయండి..