ఉలవలని ఆహారం లో తీసుకోవడం వల్ల అనేక అనారోగ్య సమస్యలు తొలగి పోతాయి. ఉలవల్లో ఫైబర్,పాస్ఫరస్‌, ఐరన్‌, కాల్షియం సమృద్ధిగా ఉండడం వలన శరీరానికి చక్కని పోషణ అందుతుంది. అలానే ఉలవల్లో ప్రోటీన్లు అధికంగా ఉంటుంది.ఎదిగే పిల్లలకి ఇది మంచి ఆహారం.రోజూ ఆహారంలో భాగంగా ఉలవలను తీసుకోవడం వలన శరీరంలో వున్నఅదనపు కొవ్వు కరిగిపోతుంది. ఆరోగ్యానికి ఉలవల రసం ఎంతో మేలు చేస్తుంది. ఎలాంటి సైడ్ ఎఫెక్ట్ రాకుండాశరీర బరువును తగ్గించడంలో ఉలవలు ఉత్తమమైనవి.
శరీరంలో వున్న ట్యాక్సిన్లను తొలగించి. ఇందులో వుండే పిండి పదార్థాలు ఆకలిని అదుపుచేస్తాయి. ఉలవల్ని తీసుకుంటే చాల సేపటివరకు కడుపునిండిన భావన కలుగుతుంది.దీని వలన తక్కువ ఆహారం తీసుకోవడం జరుగుతుంది. ఫలితంగా బరువు తగ్గుతారని వైద్యులు సూచిస్తున్నారు. ఉలవలను నీటిలో బాగా మరిగించి ఆ నీటిని తాగడం వలన జలుబు నయం అవుతుంది.
స్త్రీలలో నెలసరి సమస్యలను ఇది దూరం చేస్తుంది. ఉలవలను వేయించి పొడి చేసుకుని నిలువ పెట్టుకోవాలి. ఒక గ్లాసుడు నీటిలో జీలకర్రను, ఉలవల పొడిని వేసి మరిగించి ఆ నీటిని పరగడుపున తాగితే ఒక నెలలో ఐదు కేజీల వరకు బరువును తగ్గించుకోవచ్చు.
మొలకెత్తిన ఉలవలను పరగడుపున గుప్పెడు తీసుకుంటే, అజీర్తి సమస్యలు తగ్గుతాయి. ఉలవలు లేదా ఉలవల ద్వారా చేసిన పదార్థాలను తీసుకోవడంవలన షుగర్ దూరం అవుతుంది. ఉలవలలోని పీచు పదార్థాలు రక్తం లోని ఇన్సులిన్ స్థాయి లను పెరిగేలా చేస్తుందని ఆయుర్వేద నిపుణులు తెలియచేస్తున్నారు. ఉలవలను, కొత్త బియ్యాన్నీ సమపాళ్లలో తీసుకొని జావగా తయారు చేయాలి. దీనిని పాలతో కలిపి కొన్ని వారాలపాటు వరుసగా తీసుకుంటే లైంగిక శక్తి, శృంగారానురక్తి పెరుగుతుంది. కాల్షియం కావలిసిన వారు ఉలవలను, కొత్త బియ్యాన్నీ సమానంగా తీసుకుని జావ చేసుకుని తాగితే ఎముకులకు, కండరాలకు శక్తి వస్తుంది.