భూమి మీద మనిషి మనుగడ ను అదేవిధంగా దేశాల ఆర్థిక వ్యవస్థలను చిన్నాభిన్నం చేసిన కరోనా వైరస్ నిగ్గు తేల్చడానికి డబ్ల్యుహెచ్వో రెడీ అయ్యింది. 2019 వ సంవత్సరంలో చైనా దేశంలో నవంబర్ మాసంలో బయటపడిన ఈ వైరస్ కేవలం మూడు నెలల పరిధిలో ప్రపంచం మొత్తం ఎలా వ్యాపించింది ? అదేవిధంగా అంత ప్రాణ నష్టం జరగడానికి గల కారణం ఏమిటి ? అసలు వైరస్ కి మూల కారణం ఏంటో తెలుసుకోవటానికి ప్రపంచ ఆరోగ్య సంస్థ ప్రతినిధులు చైనా దేశంలో అడుగు పెట్టారు.
ఇదిలా ఉండగా మొదటి నుండి ప్రపంచ దేశాలు కావాలని చైనా ప్రపంచంలోకి ఈ వైరస్ ని రిలీజ్ చేసింది అని ఆరోపిస్తూనే ఉన్నారు. ఇలాంటి తరుణంలో ప్రపంచ ఆరోగ్య సంస్థ ప్రతినిధులు చైనాలో ఎటువంటి సమాచారం సేకరిస్తారు అనే దాని విషయంలో ప్రపంచ దేశాలు ఆసక్తిగా గమనిస్తున్నాయి. ఇదిలా ఉండగా తాజాగా కరోనా వైరస్ పుట్టినిల్లు ప్రాంతాలలో చైనా ప్రభుత్వం రెండో దఫా లాక్ డౌన్ చేపట్టడం అనేక మందికి అనుమానాన్ని కలిగిస్తోంది.
డ్రాగన్ దేశం కావాలనే చేస్తోందని.. ప్రపంచ ఆరోగ్య సంస్థ వదిలి పెట్టకూడదు అని ప్రపంచ దేశాలు డబ్ల్యూహెచ్వో పై ఒత్తిడి తీసుకు వస్తున్నాయి. ఇదిలా ఉండగా ఈ వైరస్ కి సంబంధించి విరుగుడు వ్యాక్సిన్ చాలా దేశాలలో అందుబాటులోకి రావడంతో ఆర్థికంగా మెల్లమెల్లగా ఆయా దేశాలు కోరుకుంటున్నాయి. ఇటువంటి తరుణంలో వైరస్ కి మూల కారణం ఏంటి అనే దాని విషయంలో ప్రపంచ ఆరోగ్య సంస్థ ఎటువంటి సమాచారం అందిస్తుందో అన్నదానిపై అన్ని దేశాల కంటే అగ్రరాజ్యాలు చాలా ఆసక్తిగా గమనిస్తున్నాయి.