Kushi Kushiga : బొమ్మ అదిరింది సద్దాం తెలుసు కదా. పరిచయం అక్కర్లేని పేరు. గల్లీ బాయ్స్ పేరుతో బొమ్మ అదిరింది టీమ్ లో సద్దాం చేసే కామెడీ మామూలుగా ఉండదు. జబర్దస్త్ లో ఒక హైపర్ ఆది, ఇమ్మాన్యుయేల్, సుడిగాలి సుధీర్ ఎలాగో.. బొమ్మ అదిరింది షోకు సద్దాం అలాగ అన్నమాట. సద్దాం కామెడీ కోసమే బొమ్మ అదిరింది షోను చూసేవాళ్లు కోకొల్లలు.
బొమ్మ అదిరింది షో సూపర్ సక్సెస్ అయిందంటే దానికి కారణం సద్దామే. ఆయన స్కిట్ వల్లనే షోకు చాలా పేరు వచ్చింది. అయితే.. సద్దాం తాజాగా స్టాండప్ కామెడీలోకి కూడా ఎంట్రీ ఇచ్చాడు. కామెడీ స్కిట్లు మాత్రమే చేయడం కాదు.. స్టాండప్ కామెడీ కూడా చేసి జనాలను నవ్వించవచ్చని నిరూపించాడు సద్దాం.
నాగబాబు kushi kushiga standup comedy show లో సద్దాం ఎంట్రీ
నాగబాబు ఇటీవలే ఖుషీ ఖుషీగా Kushi Kushiga అనే స్టాండప్ కామెడీ షోను తన యూట్యూబ్ అకౌంట్ లో స్టార్ట్ చేశారు. ఇప్పటికే 6 ఎపిసోడ్స్ ను పూర్తి చేసుకుంది. తాజాగా ఏడో ఎపిసోడ్ ను కూడా విడుదల చేశారు. నిజానికి.. తెలుగులో స్టాండప్ కామెడీని ఇప్పటి వరకు ఎవ్వరూ పరిచయం చేయలేదు. కొన్ని చానెళ్లు స్టాండప్ కామెడీ షోలను నిర్వహించినా పెద్దగా సక్సెస్ కాలేదు. దీంతో స్టాండప్ కామెడీ జోలికి ఏ చానెల్ వెళ్లడం లేదు.
కానీ.. మెగా బ్రదర్ నాగబాబు మాత్రం డేర్ చేసి తన యూట్యూబ్ చానెల్ లో ఖుషీ ఖుషీగా అనే స్టాండప్ కామెడీ షోను స్టార్ట్ చేశారు.
ఆ షో సూపర్ సక్సెస్ అయింది. వేల సంఖ్యలో ఈ షోకు ఆడిషన్స్ రాగా.. వాటిని వడబోసి కొందరిని తీసుకొని వాళ్లతో స్టాండప్ కామెడీ చేయిస్తున్నారు. ఈ స్టాండప్ కామెడీ షోలో బొమ్మ అదిరింది సద్దాం కూడా పార్టిసిపేట్ చేసి స్టాండప్ కామెడీ చేసి సూపర్ గా నవ్వించాడు. దానికి సంబంధించిన ఎపిసోడ్ ను తాజాగా నాగబాబు తన యూట్యూబ్ చానెల్ లో విడుదల చేశారు. మీరు కూడా ఈ వీడియో చూసి కాసేపు నవ్వుకోండి.