Kangana Ranaut : ఈ మధ్య బాలీవుడ్ నటి కంగనా రనౌత్ వార్తల్లో నిలిచినట్లు ఏ ఇండియన్ సెలబ్రెటీ కూడా అంతగా అటు సోషల్ మీడియాలో ఇటు న్యూస్ ఛానల్స్ లో కనిపించడం లేదు. ఇక తాజాగా ఆమె పెట్టిన ఒక ట్వీట్ లో సొంత డబ్బా అయితే మరీ ఎక్కువైపోయింది. ‘దూకుడు’ సినిమాలో బ్రహ్మానందం ఎలా అయితే తన పేరుకు ముందు పద్మశ్రీ బిరుదుని తగిలించుకున్నాడో… రియల్ లైఫ్ లో కంగనా కూడా అలాంటి ఒక ట్వీట్ చేసింది.
అసలు తనకి పోటీనే లేదు అని…. ఈ భూమిపైన తానంత గొప్ప నటి లేదని తనకి తానే చెప్పుకుంది కంగనా. వివరాల్లోకి వెళితే ఒకవైపు ‘తలైవి’ సినిమాలో జయలలిత పాత్రలో నటిస్తున్న ఆమె…. మరోవైపు ‘ధాకాడ్’ సినిమాలో యాక్షన్ హీరోయిన్ గెటప్ లో ఉన్న ఫోటోలను ట్విట్టర్లో షేర్ చేసింది. అలా షేర్ చేస్తూ తన గురించి తానే గొప్పలకు పోయింది.
“ఒక నటిగా నేను చూపించే వైవిధ్యం ప్రపంచంలో ఏ నటి కూడా చూపలేదు. నాలాంటి ప్రతిభ ఉన్న నటి ఈనాటికీ లేదు. మెరిల్ స్ట్రీప్ అంత గొప్ప నటి నాలో ఉంది. అలాగే అదే సమయంలో నేను గల్ గల్డాట్ (వండర్ వుమన్) లాగా యాక్షన్ స్టంట్స్ కూడా అదే లెవెల్ లో చేయగలను” అని ఆమెకి ఆమే కితాబులు ఇచ్చేసుకుంది.
ఒక్కసారిగా మెరిల్ స్ట్రీప్ లాంటి లెజెండరీ నటితో కంగనా పోల్చుకోగానే నెటిజన్లు అంతా షాక్ అయ్యారు. ఆ తర్వాత తేరుకొని కంగనా ని ఒక రేంజ్ లో ఆడుకున్నాడు. Meryl streep ప్రపంచంలోనే అతి గొప్ప నటీమణి. ఆమెని పెద్ద పెద్ద తారలే స్ఫూర్తిగా తీసుకుంటారు. ఈ లెజెండ్రీ నటి మూడు సార్లు ఉత్తమ నటిగా ఆస్కార్ అందుకుంది. ఆమె అందరి కన్నా ఎక్కువ సార్లు… ఏకంగా 21 సార్లు ఆస్కార్ కు నామినేట్ అయింది.
ఇక ఆమెతో కంగనా పోల్చుకుంటే… ‘దూకుడు’ సినిమా లో బ్రహ్మానందం గుర్తొచ్చాడు అని పలువురు చమత్కారం చేస్తున్నారు. కంగనా మూడు సార్లు జాతీయ అవార్డు గెలుచుకుంది. అయితే ఆమెకు ఆమెనే ప్రపంచంలో తనకు సాటి లేదు అని చెప్పుకోవడం మాత్రం అందరికీ కొంచెం ఓవర్ అనిపించింది.