Wheat Ravva: గోధుమల ద్వారా తయారు చేసిన పిండే కాదు.. గోధుమ రవ్వ వల్ల ఆరోగ్యం కలుగడం తో పాటు శరీర బరువు తగ్గించడంలో కూడా ఉపయోగపడుతుంది. ఈ గోధుమ రవ్వ లో ఫైబర్, విటమిన్ బి అధిక మొత్తంలో ఉంటాయి.శరీర బరువు తగ్గేందుకు గోధుమ రవ్వ లో పోషకాలతో పాటు తక్కువ క్యాలరీలు ఉంటాయి. కాబట్టి గోధుమ రవ్వను ఆహారం లో భాగం చేసుకుంటే, త్వరగా బరువు తగ్గవచ్చు. ఇంకా దీని వలన కలిగే ప్రయోజనమేమిటో తెలుసుకుందాం.
గోధుమ రవ్వ తక్కువ మొత్తం లో ఆహారం గా తీసుకున్న చాలా సమయం ఆకలి లేకుండాఉంటుంది . రోజూ స్నాక్స్ తినే సమయం లో గోధుమ రవ్వతో చేసిన ఆహారం తీసుకుంటే మంచి ఫలితం ఉంటుంది.
గోధుమ రవ్వ లో ఫైబర్ ఎక్కువగా ఉండడం వలన ఇది జీర్ణ వ్యవస్థను సజావుగా జరగడానికి సహాయపడుతుంది. శరీరంలోని అన్ని భాగాల విధులు ఆరోగ్యకరంగా ఉండటానికి ఇది బాగా పనిచేస్తుంది.
మనం తీసుకున్నఆహారం చక్కెరగా మారకుండా ఈ గోధుమ రవ్వ చూస్తుంది. ఇది రక్తం లో బ్లడ్ షుగర్ లెవెల్స్‌ని అదుపుచేస్తుంది. కాబట్టి బరువు తగ్గాలనుకునే వాళ్లు మీ రోజువారీ ఆహారం లో గోధుమ రవ్వను చేర్చుకోవడం వలన మంచి రిసల్ట్ ఉంటుంది .
జీవక్రియ వేగంగా జరిగితే క్యాలరీలు ఎక్కువగా ఖర్చవుతాయి , కాబట్టి శరీర బరువు కూడా తగ్గుతుందని చాలామంది భావిస్తుంటారు. కానీ జీవక్రియ వేగంగా జరగటం వల్ల త్వరగా ఆకలి వేసి , ఎక్కువ క్యాలరీలు తీసుకునే అవకాశం కూడా ఉంది. దీని తో శరీరంలో కొవ్వు శాతం పెరిగి బరువు కూడా పెరుగుతారు. గోధుమ రవ్వ ఆహారం గా తీసుకోవడం వల్ల జీర్ణక్రియ నెమ్మదిగా సాగి త్వరగా ఆకలి వేయకుండా ఉంటుంది .
గోధుమ రవ్వ లో ప్రోటీన్లు పుష్కలంగా, క్యాలరీలు తక్కువ ఉంటాయి. ఇలా కొవ్వులేని ఆహారం తీసుకోవడం వల్ల శరీర బరువుతేలికగా తగ్గుతుంది.