Wife: సాధారణంగా లైఫ్ పార్టనర్ చీట్ చేస్తున్నారు అని తెలిస్తే ఏ భార్య/భర్త అయినా కోపంతో ఊగిపోతారు. వారిపై ఆ కోపాన్ని ప్రదర్శించి, కోర్ట్ ని ఆశ్రయించడం తరువాత విడాకులు తీసుకోవడాం చేస్తూ ఉంటారు. ఇలా కాదు అంటే పెద్దలతో మాట్లాడించి విషయం సర్దుమనిగేలా చూసుకుంటారు. కానీ యూకే లో ఓ మహిళ తనను తన భర్త చీట్ చేస్తున్నాడు అని తెలియడంతో ఆమె కూడా ఇవన్నీ చేసింది. అయినా ఇంకా తన కోపం తగ్గకపోవడంతో ఓ వినూత్న ప్రచారానికి తెర లేపింది. ఇంతకీ ఆ మహిళ ఏం చేసిందంటే…
యూకే లోని ఓల్డ్‌హామ్‌కు చెందిన ఓ గుర్తు తెలియని మహిళ తన భర్త గురించి పోస్టర్లు అంటించి మరీ అతడి పరువు తీసింది. ఏ4 సైజు పేపర్లలో తన భర్త మోసగాడంటూ రాసి అతడి పరువు తీసేందుకు ప్రయత్నించింది. ఆ పోస్టర్లను అక్కడి దగ్గరలోని గోల్డ్‌విక్, అలెగ్జాండ్రా పార్క్ మరియు పరిసర ప్రాంతాల్లోని చెట్లకు, చెత్త కుప్పలలో, విద్యుత్తు స్తంభాలకు అంటించింది. అయితే ఇక్కడ మరో విషయం ఏమిటంటే ఈ పోస్టర్లలో ఆమె కేవలం తన భర్త మాత్రమే ఉద్దేశించి రాయలేదు పెళ్లయిన ప్రతి మగాడిపైనా ఆమె రివేంజ్ తీర్చుకుంటున్నట్లుగా ఆ పోస్టర్లు ప్రతిబింబిస్తున్నాయి.
‘‘మీరు మీ భార్యను చీట్ చేస్తున్నట్లు అయితే త్వరలోనే మీ గురించి ఆమెకు తెలిసిపోతుంది’’ అని ఓ పోస్టర్లో రాస్తే మరో పోస్టర్లో ‘‘మీ భర్త ముందు రోజు రాత్రి, గత వారం ఎక్కడ ఉన్నాడో మీకు తెలుసా? లేదా ఈ రోజు రాత్రి ఎక్కడ ఉండబోతున్నాడో తెలుసా?’’ అని రాసింది. ఈ వినూత్న రీతిలో రివెంజ్ తీర్చుకుంటున్న ఆ మహిళ మరియు ఆమె పోస్టర్లు చూసి ఆశ్చర్యపోయిన జనాలు వాటిని ఫొటో తీసి సోషల్ మీడియాలో పోస్ట్ చేయడంతో అవి వైరల్ అయ్యాయి. కానీ ఇంతకీ ఈ పోస్టర్లు అంటించింది ఎవరనేది ఇంకా తెలియలేదు.