Cooking Oils : మనం రోజు వంటకోసం నూనెను వాడుతుంటాము.. ఐతే మనం వాడే నూనె మంచిదా కాదా? ఎంత నూనె వాడాలి ఎలాంటి నూనె వాడాలి ఇలాంటివి ఆలోచించే తీరిక లేక ఎదో ఒకటి వాడేస్తుంటాము. ఈ నూనెలో కొలెస్ట్రాల్ తక్కువ.. ఇది గుండెకు మంచిది అన్న ప్రకటన చూసి నూనె కొని, వండుకుని తింటే కుదరదని న్యూట్రిషనిస్టులు తెలియచేస్తున్నారు.
అసలు నూనె అంటేనే కొవ్వు ఇంకా చెప్పాలంటే ఫ్యాట్ కు లిక్విడ్ రూపమే నూనె అని కచ్చితం గా చెప్పవచ్చు. కొవ్వులు రూం టెంపరేచర్ ఉన్నప్పుడు అవి నూనెల్లా కనిపిస్తాయి. ఇది అర్థమైతే చాలు మిగతా విషయాలన్నీ మీకు తేలికగా అర్థమైపోతాయి.
కొన్ని నూనెలను మనంరెగులర్ గా వాడడం వలన ఆరోగ్యం పాడవదు. ఆలివ్స్, గింజలు, అవకాడో, చేపలువంటివాటి నుంచి కూడా నూనెలుదొరుకుతాయి. వంట నూనెల్లో ఉండాల్సినవి ఏమిటి?ఎలాంటి నూనెల కు మనం దూరంగా ఉండాలన్న విషయాలు డైటీషియన్లు సూచిస్తున్నారు. అన్ సాచురేటెడ్ ఫ్యాట్స్ ఎక్కువగా ఉన్న నూనె మాత్రమే ఆరోగ్యకరమైన వంట నూనె గా చెప్పవచ్చు. సాచురేటెడ్ ఫ్యాట్స్ ఎక్కువగా ఉన్న వంట నూనెలను వాడితే ఆరోగ్యం పాడవక తప్పదు.
అన్ సాచురేటెడ్ ఫ్యాట్స్ లో మోనోశాచురేటెడ్, పాలీఅన్ సాచురేటెడ్ ఫ్యాటీ యాసిడ్స్ వంటివి గుండెకు చాలా మంచిది అని గుర్తు పెట్టుకోవాలి. ఇవన్నీ ప్లాంట్ బేస్డ్ నూనెలో బాగా దొరుకుతాయి. అంటే పల్లీ సోయా, ఆలివ్, నువ్వులు, నూనెలు అన్నమాట. శాచురేటెడ్ ఫ్యాట్స్ అధికంగా ఉన్న నూనెలు గుండె జబ్బులకు కారణం కాబట్టి వీటికి దూరంగా ఉండమని చెబుతారు. ఉదాహరణకు వెన్న, ఫుల్ ఫ్యాట్ డైరీ ఉత్పత్తుల్లో ఇవిఎక్కువగా ఉంటాయి.
వంటకు ఏ నూనె మంచిది అని తెలుసుకోవడం తోనే పని అయిపోదు.. అసలు ఈ నూనెలను ఎంతసేపు వేడి చేశాక వాడాలి కచ్చితంగా తెలుసుకోవాలి.నూనె విపరీతంగా పొగలు కక్కేలా మరిగిపోయాక ఉపయోగించటం అస్సలు మంచిది కాదు. దీనికి కారణం నూనెలోని పోషకాలు పోవడం తోనే ఫ్రీ రాడికల్స్ విడుదలవుతాయి. నూనె పదార్థాలు తిన్నప్పు అనారోగ్యం పాలవ్వడానికి మూలకారణం ఇదే. హాట్ చిప్స్ షాప్స్ లో తయారయ్యేస్నాక్స్ అస్సలు మంచిది కాదని చెప్పేందుకు ముఖ్య కారణం ఇదే.