Washing Machine: ఒకప్పుడైతే బట్టలు ఉతకాలి అంటే ముందు గా సర్ఫ్ లో నానబెట్టి ,ఆ తర్వాత సబ్బు పెట్టి బ్రష్ కొట్టి..ఇంకా మురికి వదలలేదంటే బండకి వేసి బాదుతూ ఉతికి…బాగా జాడించి తెల్లని బట్టలకు బ్లూ పెట్టుకుని…కాటన్ బట్టలకు గంజి పెట్టుకుని ఆరేసుకునేవారు. అదే ఇప్పుడు అయితే మిషన్లో వేసి తీసి అరెసుకుంటున్నారు.ఈ విధానం లో చాలామంది తేలికగా వాషింగ్ మిషన్ ద్వారా తేలికగా బట్టలు ఉతుక్కుంటున్నారు. కానీ మెషిన్ దగ్గర కొన్ని చిన్న చిన్న పొరపాట్లు చేసేస్తున్నారు.దీని వలన బట్టలు త్వరగా పాడైపోవడం లేదా పోగులు బయటికి వచ్చి రంగు పోవడం వంటివి జరుగుతుంటాయి.అయితే ఇక్కడ కొన్ని జాగ్రత్తలు పాటిస్తే బట్టల ను చాలాకాలం మన్నికగా,జాగ్రత్తగా ఉండేలా చూసుకోవచ్చు.ఆ జాగ్రత్తల గురించి తెలుసుకుందాం.
సాధారణంగా మనం కుట్టించుకున్న దుస్తులు ,రెడీమేడ్ గా కొన్న దుస్తుల మీద లేబుల్స్ కచ్చితంగా ఉంటాయి.లేబుల్స్ పై ఆ దుస్తులు ఎలా ఉతకాలి అనేది రాసి వుంటుంది.ఆ ప్రకారంగా ఉతుక్కుంటే బట్టలు ఎక్కువ కాలం మన్నికగా ఉండి రంగు లు కుడా పోవు. ప్యాట్లను ఉతికేటప్పుడు వాటిని వాషింగ్ మిషన్ లో అలాగే వేస్తూ ఉంటారు.దీనివల్ల ఆ ప్యాట్ల కు వుండే జిప్పు లు ఇతర దుస్తులకు పట్టేసి అవి కూడా పాడై పోతాయి.
అలా జరగకుండా ఉండాలంటే ప్యాంట్ జిప్ ను పూర్తిగా పైకి లాగి ఉంచాలి. వాషింగ్ మిషన్లో బట్టలు వేసే టప్పుడు వాటి లోపలి వైపు బయటకు వచ్చేలా తిప్పి మిషన్లో వేసుకోవాలి. దిని వలన బట్టలు మిషన్లో సులభంగా తిరిగి మురికి కూడా వదిలిపోతుంది. వాషింగ్ మిషన్ లో డిటర్జెంట్ ను సరైన మోతాదులో వేసుకోవాలి.తక్కువ వాడితే బట్టల మురికి పోదు .అదే డిటర్జెంట్ ఎక్కువగా వేస్తే అది అంత తేలికగా బట్టల నుండి వదలదు.దీంతో బట్టలు ఎక్కువ సేపు ఉతకవలసి వస్తుంది. అంత సేపు ఉతకడం వలన బట్టలు పాడయ్యే అవకాశం కూడా ఎక్కువగా ఉంది