Calcium: కాల్షియం మన శరీరానికి చాలా అవసరం.. అనేక ఆరోగ్య సమస్యలు రాకుండా కాల్షియం కీలక పాత్ర పోషిస్తుంది.. పెద్దలైతే ప్రతిరోజు 1000 మిల్లీ గ్రాములు, అదే పిల్లలైతే 1300 మిల్లీ గ్రాములు తీసుకోవాలి. పాలలో కాల్షియం సమృద్ధిగా లభిస్తుంది.. అయితే చాలా మంది పాలు తాగటం ఇష్టం ఉండదు. మరి కొంతమంది పాలంటే అలర్జీ.. అలాగని కాల్షియం పొందలేము అనుకోకండి.. పాలలో కాకుండా కాల్షియం లభించే ఆహారాలు కొన్ని ఉన్నాయి.. అవి ఇవే..!!
Calcium: సాయంత్రం స్నాక్స్ లో వీటిని ట్రై చేయండి..!!
డ్రై ఫ్రూట్స్, నట్స్, చిరుధాన్యాలు, పొద్దుతిరుగుడు గింజలు, గుమ్మడి గింజలు, అన్ని రకాల విత్తనాల లో 60 నుంచి వంద మిల్లీ గ్రాముల లో కాలుష్యం ఉంటుంది. ప్రతి రోజు సాయంత్రం పూట స్నాక్స్ లో వీటిని భాగం చేసుకోండి. వారంలో కనీసం రెండు సార్లయినా వీటిని తీసుకోండి. అవిస గింజలు సెనగలు అలసందలు బొబ్బర్లు పెట్టుకొని సాయంత్రం పూట స్నాక్స్ తినండి లేదంటే మొలకెత్తిన విత్తనాలను తినండి ఇవన్నీ కాల్షియంను సమృద్ధిగా అందిస్తాయి.
అన్ని రకాల ఆకు పచ్చని కూరగాయలు, ఆకుకూరలలో క్యాల్షియం లభిస్తుంది. ముఖ్యంగా ఆకు కూరలు పాలకూర తోటకూర ఎక్కువగా రకరకాల వంటలు చేసి పిల్లలకు రుచికరంగా అందించండి. ఆకుకూరలతో ఫ్రైడ్రైస్ చేసి అందించవచ్చు. ఆకుకూరల రసం తీసి చపాతీ లో కలిపి చేసి రోటీ చేసి పెట్టవచ్చు. ప్రతిరోజు రెండు చెంచాల ఆకుకూరలు తింటే పిల్లలు అనేక పోషకాలు అందుతాయి. నారింజ పండులో కూడా కాల్షియం అధికంగా ఉంటుంది. పిల్లలు నారింజ పండును తినడానికి ఇష్టపడతారు. దీని కలర్ తో పాటు రుచి కూడా నోటికి ఇంపుగా ఉంటుంది. ప్రతిరోజూ ఉదయం లేదా సాయంత్రం తేనె కలిపి ఆరెంజ్ జ్యూస్ ను పిల్లలకు ఇవ్వండి. ఒకసారి దీని రుచి ఆస్వాదిస్తే ప్రతిసారి ఆరెంజ్ ను తినడానికి ఇష్టపడతారు.
ఓట్ మీల్ లో విటమిన్ బి, కాలుష్యం సమృద్ధిగా ఉంటుంది. సోయా మిల్క్, బాదం మిల్క్ ను ఓట్ మీల్ తో తయారు చేసుకొని తాగితే రెట్టింపు ఫలితాలను పొందవచ్చు. పిల్లలు లిక్విడ్స్ తీసుకోవడానికి ఎక్కువగా ఇష్టపడతారు వీటిని కూడా సాయంత్రం ఒక గ్లాస్ అందించండి ఫైబర్ తో పాటు క్యాల్షియం లభించడంతో ఎముకలు దృఢంగా తయారవుతాయి. పిల్లలు చక్కగా ఎదుగుతారు. వీటితో పాటు సోయా ఉత్పత్తులను పిల్లలకు అలవాటు చేయండి. వీటిలో హై ప్రోటీన్ లభిస్తుంది. ఇది పిల్లల మెదడును చురుకుగా ఉంచుతుంది.