Basil: తులసి మొక్క పూర్వకాలంలో ప్రతి ఒక్కరి ఇంట్లో ఉండేది. హిందువుల ఇళ్ళల్లో నిత్యం తులసి మొక్క కు పూజలు చేస్తూనే ఉంటారు.. తులసి మొక్కలు బోలెడు ఔషధగుణాలు ఉన్నాయి. ఇవి మన ఆరోగ్యానికి ఎంతగానో మేలు చేస్తాయి. కాలక్రమేణా ఈ మొక్కలు మన పెరట్లో పెంచుకోవడం తగ్గించేశారు.. కరోనా పుణ్యమా అని దీని ప్రాధాన్యత మరలా వెలుగులోకి వచ్చింది.. తాజాగా తులసి మొక్క ఓ సెన్సేషనల్ రికార్డును క్రియేట్ చేసింది..!!
తులసి మొక్క లో యాంటీ ఫంగల్, యాంటీ బ్యాక్టీరియల్, యాంటీ వైరల్, యాంటీ సెప్టిక్ గుణాలు ఉన్నాయి. ఇవి రోగ నిరోధక శక్తిని పెంపొందిస్తాయి. శరీరం లోకి హానికర బ్యాక్టీరియా వైరస్ ప్రవేశించకుండా నశింపచేస్తుంది. దేహం లోపల ఉన్న బ్యాక్టీరియాను హరించివేస్తుంది. కరోనా సమయంలో తులసి మొక్క వినియోగం బాగా పెరిగింది..
ఎంతలా పెరిగిందంటే.. ముంబై మునిసిపల్ నర్సరీలో ప్రతి సంవత్సరం 30 నుంచి 32 వేల మొక్కలు అమ్ముడవుతాయి. ఈ సంవత్సరం 52 వేలు కంటే ఎక్కువ తులసి మొక్కలు అమ్ముడయ్యాయి. ఇది ఒక సరికొత్త రికార్డని బి ఎం సి లోని గార్డెన్ డిపార్ట్మెంట్ హెడ్ తెలిపారు. ఈ ఏడాది సుమారుగా రెట్టింపుగా మొక్కలు అమ్ముడయ్యాయి అని తెలియజేశారు. కరోనా సమయంలో ఇమ్యూనిటీ పవర్ ను పెంపొందించుకోవడం చాలా అవసరం. రోగనిరోధక శక్తిని పెంపొందించడంలో తులసిమొక్క అద్భుతంగా సహాయపడుతుంది అని మరొకసారి నిరూపితమైంది.