Actor Nani: న్యాచుర‌ల్ స్టార్ నానిని ఓ వేశ్య త‌న‌ను పెళ్లి చేసుకోమ‌ని అడిగింది. అవును, మీరు విన్న‌ది నిజ‌మే. అస‌లేం జ‌రిగిందో తెలియాలంటే లేట్ చేయ‌కుండా మ్యాట‌ర్‌లోకి వెళ్లాల్సిందే. నాని న‌టించిన తాజా చిత్రం `శ్యామ్ సింగరాయ్`. రాహుల్‌ సాంకృత్యన్ ద‌ర్శ‌క‌త్వం వ‌హించిన ఈ చిత్రంలో సాయి ప‌ల్ల‌వి, కృతి శెట్టి, మడోన్నా సెబాస్టియన్ హీరోయిన్లుగా న‌టించారు.
నిహారిక ఎంటర్‌టైన్‌మెంట్‌ పతాకంపై వెంకట్‌ బోయనపల్లి నిర్మిస్తున్న ఈ సినిమా డిసెంబ‌ర్ 24న తెలుగుతో పాటు తమిళ, కన్నడ, మలయాళ భాష‌ల్లోనూ గ్రాండ్‌గా విడుద‌లై మంచి విజ‌యం సాధించిన సంగ‌తి తెలిసిందే. క్లిష్ట ప‌రిస్థితుల్లోనూ బాక్సాఫీస్ వ‌ద్ద భారీ క‌లెక్ష‌న్స్ రాబ‌ట్టిన ఈ చిత్రం జ‌న‌వ‌రి 21 నుంచి ప్ర‌ముఖ ఓటీటీ సంస్థ నెట్‌ఫ్లిక్స్ లోకి సైతం అందుబాటులోకి వ‌చ్చేసింది. ఇదిలా ఉంటే.. తాజాగా మేక‌ర్స్ ఈ సినిమాలోని ఓ డిలీటెడ్‌ సీన్‌ని విడుదల చేసింది.
ఇందులో బెంగాలీ ర‌చ‌యిత అయిన శ్యామ్ సింగరాయ్(నాని) వేశ్య గృహానికి వెళ్లి.. అక్క‌డున్న వేశ్య‌ల‌కు వారి వృత్తి గురించి తాను రాసిన లైన్స్‌ను చ‌దివి వినిపిస్తుంటాడు. ఇంత‌లో అక్క‌డున్న ఓ వేశ్య `ఇంత తెలిసినవాడివి.. మరి నన్ను పెళ్లి చేసుకుంటావా?` అంటూ ప్ర‌శ్నిస్తుంది. అందుకు నాని `ఖచ్చితంగా చేసుకుంటాను.. నిన్ను ప్రేమించిన రోజు` అంటూ దిమ్మ‌తిరిగే స‌మాధానం ఇస్తాడు. మొత్తానికి ఆక‌ట్టుకుంటున్న ఈ వీడియో సినిమాలో లేక‌పోయినా.. సోస‌ల్ మీడియాలో మాత్రం ప్ర‌స్తుతం తెగ వైరల్ అయిపోతోంది. మరి ఇంకెందుకు మీరూ ఆ వీడియోపై ఓ లుక్కేసేయండి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!