Priya Prakash Varrier : ప్రియావారియర్ కల నెరవేరనుందా? మన రౌడీ బాయ్ ఓకే చెప్తాడా?

Priya Prakash Varrier : పెద్దగా సినిమా బ్యాగ్రౌండ్ లేకుండానే సినీరంగంలోకి ప్ర‌వేశించి త‌నకంటూ ఓ ప్ర‌త్యేక గుర్తింపు తెచ్చుకుంటున్న న‌టుడు మన రౌడీ బాయ్ విజ‌య్ దేవ‌ర‌కొండ‌. ప్ర‌స్తుతం ఈయ‌న న‌టించిన చిత్రం ‘లైగ‌ర్’. డైరెక్ట‌ర్ పూరి జ‌గ‌న్నాథ్ తెర‌కెక్కిస్తున్న ఈ చిత్రం ఓ పాట మిన‌హా షూటింగ్ మొత్తం పూర్తి చేసుకుందని తాజాగా టీమ్ తెలిపింది. ప్రస్తుత స‌మాచారం ప్ర‌కారం ఈ చిత్రంలోని స్పెష‌ల్ సాంగ్ కోసం మ‌ల‌యాళీ భామ‌ను దింపుతున్న‌ట్లు తెలుస్తుంది. గ‌తకొన్ని రోజులుగా స‌మంత లైగ‌ర్ స్పెష‌ల్ సాంగ్‌లో నర్తించ‌నుంద‌ని ప్ర‌చారం సాగింది.

Priya Prakash Varrier : ఈ పాప పాటకోసమేనా?

అవుననే తెలుస్తోంది. స‌మంత స్పెష‌ల్ సాంగ్‌ చేయ‌డానికి అంగీక‌రించ‌క పోవడంతో మ‌ల‌యాళీ బ్యూటీ ప్రియా వారియ‌ర్‌ను చిత్ర యూనిట్ సంప్ర‌దించార‌ట‌. దానికి ప్రియా వారియ‌ర్‌ కూడా గ్రీన్ సిగ్న‌ల్ ఇచ్చిన‌ట్లు తెలుస్తుంది. ఈమెకు యూత్‌లో మంచి క్రేజ్ ఉంది. ఆ క్రేజ్ లైగ‌ర్ సినిమాకు ప్ల‌స్‌ అవుతుందని ద‌ర్శ‌క నిర్మాత‌లు భావిస్తున్నార‌ట‌. కాగా దీనిపై ఇంకా అధికారికంగా ప్ర‌క‌ట‌న రావాల్సి ఉంది.

లైగ‌ర్ విశేషాలు:

లైగ‌ర్ చిత్రాన్ని పూరి అత్యంత ప్రతిష్టాత్మకంగా ఛార్మీ, క‌ర‌ణ్ జోహ‌ర్‌ల‌తో క‌లిసి స్వీయ నిర్మాణంలో తెర‌కెక్కించాడు. ముంబాయ్‌లోని ఛాయ్ వాలా ప్ర‌పంచం గుర్తించే బాక్స‌ర్‌గా ఎలా ఎదిగాడు అనే కాన్సెప్ట్‌తో తెర‌కెక్కిన‌ ఈ చిత్రంలో బాలీవుడ్ బ్యూటి అన‌న్య‌పాండే హీరోయిన్‌గా న‌టించింది. ప్ర‌ముఖ బాక్స‌ర్ మైఖ్ టైస‌న్ కీల‌క‌పాత్ర‌లో న‌టించాడు. పాన్ ఇండియా లెవ‌ల్లో ఈ చిత్రాన్ని ఆగ‌స్టు 25న విడుద‌ల చేయ‌నున్న‌ట్లు మేక‌ర్స్ ఇదివ‌ర‌కే తెలిపారు.