Varun Tej: మెగా ప్రిన్స్ వరుణ్ త్వరలో గని సినిమాతో రాబోతున్నాడు. కెరీర్ ప్రారంభం నుంచి డిఫరెంట్ జోనర్ సినిమాలతో వచ్చి స్టార్ స్టేటస్ సాధించిన వరుణ్ సంపాదించుకున్నాడు. ఒకరకంగా చెప్పాలంటే మెగా ఫ్యామిలీలో వేరియెస్ సినిమాలు చేస్తూ వస్తుందీ ఈ మెగా హీరోనే. గత చిత్రం గద్దలకొండ గణేశ్ మాస్ ఆడియన్స్‌ను బాగా ఆకట్టుకున్నాడు. అయితే, మళ్ళీ వరుణ్ నుంచి కొత్త సినిమా రావడానికి దాదాపు నాలుగేళ్ళు సమయం పట్టింది. కోవిడ్ కారణంగా ఈ సినిమా గత ఏడాది నుంచి పోస్ట్ పోన్ అవుతూ వచ్చింది.
ఇక ఎట్టకేలకు స్పోర్ట్స్ బ్యాక్‌డ్రాప్‌లో రూపొందిన గని చిత్రం ఏప్రిల్ 8, 2022న భారీ స్థాయిలో థియేటర్లలో విడుదల కానున్న సంగతి తెలిసిందే. ఈ సినిమాతో కిరణ్ కొర్రపాటి దర్శకుడిగా టాలీవుడ్‌కు పరిచయమవుతున్నాడు. బాలీవుడ్ సాయి మంజ్రేకర్ హీరోయిన్‌గా నటిస్తున్న ఈ సినిమాలో జగపతిబాబు, సునీల్ శెట్టి, ఉపేంద్ర, నదియా కీలక పాత్రల్లో నటిస్తున్నారు. థమన్ సంగీత అందిస్తున్న ఈ సినిమాను అల్లు అరవింద్ సమర్పణలో అల్లు బాబి, సిద్దు ముద్ద కలిసి నిర్మించారు. ఇందులో మిల్కీ బ్యూటీ తమన్నా స్పెషల్ సాంగ్‌లో నర్తించింది.
Varun Tej: మళ్ళీ ఇంతకాలానికి నిర్మాతగా నాగబాబు ఎంట్రీ..!
ఇక ఈ సినిమా మీద భారీ అంచనాలుండగా రిలీజ్‌కు ముందే వరుణ్ కొత్త చిత్రాన్ని ప్రారంభించారు. టాలెంటెడ్ డైరెక్టర్ ప్రవీణ్ సత్తారు దర్శకత్వంలో తాజా చిత్రాన్ని ప్రకటించారు. ఈ సినిమా నేడు పూజా కార్యక్రమాలతో ఘనంగా ప్రారంభం అయింది. ప్రస్తుతం ప్రవీణ్ సత్తారు కింగ్ నాగార్జునతో ఘోస్ట్ చిత్రాన్ని తెరకెక్కిస్తున్నాడు. దుబాయ్‌లో ఈ సినిమా షెడ్యూల్ సాగుతోంది. ఈ క్రమంలోనే వరుణ్ తేజ్ హీరోగా కొత్త చిత్రం మొదలుపెట్టడం విశేషం. ఇక మరో విశేషం ఏమిటంటే ఈ సినిమాకు నాగబాబు సమర్పకుడు కావడం. ఆరెంజ్ ఘోర పరాజయం తర్వాత మళ్ళీ ఇంతకాలానికి నిర్మాతగా ఎంట్రీ ఇచ్చారు. శ్రీ వెంకటేశ్వర సినీ చిత్ర బ్యానర్‌ పై బివిఎస్ఎన్ ప్రసాద్ – నాగ బాబు నిర్మిస్తున్నారు. మిక్కీ జె మేయర్ ఈ సినిమాకి సంగీత దర్శకుడు.