KGF 2 – RRR: పాన్ ఇండియన్ సినిమా ఆర్ఆర్ఆర్ మార్చి 25న ప్రపంచ వ్యాప్తంగా విడుదలై భారీ సక్సెస్ సాధించింది. విడుదలరోజు బాలీవుడ్ సహా మరికొన్ని చోట్ల ఆశించిన వసూళ్ళు రాకపోయినా కూడా ఆ తర్వాత నుంచి పుంజుకొని ఊహించని వసూళ్ళు రాబట్టింది. బాలీవుడ్‌లో ఇప్పటికే రూ 100 కోట్లకు పైగానే వసూళ్ళు రాబట్టింది. ఓవరాల్‌గా ఈ సినిమా దాదాపు రూ.700 కోట్ల వరకు వసూళ్ళను తీసుకు వచ్చినట్టు ట్రేడ్ వర్గాలు అంటున్నాయి. ఈ సినిమా కంటే ముందు వచ్చిన ది కశ్మీర్ ఫైల్స్ భారీ హిట్ సాధించింది.
కాస్త ఆ సినిమా ప్రభావం లేదంటే, ఆర్ఆర్ఆర్ వసూళ్ళు ఇంకా బాగా ఉండేవి. అయితే, ఇంకా బ్రేకీవెన్ టార్గెట్ రీచ్ అవలేదు. ఓవరాల్‌గా రూ.900 కోట్ల మేర బిజినెస్ జరిగినట్టు రిలీజ్‌కు ముందు వార్తలు వచ్చాయి. ఆ లెక్కన చూస్తే ఇంకా భారీగానే వసూళ్ళు రాబట్టాల్సి ఉంది. అయితే, ఇకపై ఆర్ఆర్ఆర్ వసూళ్ళు నెమ్మదించడం గ్యారెంటీ అంటున్నారు. ఇప్పటికే కొంత మేర ఐపిఎల్ ఎఫెక్ట్ పడింది. ఇక ఇప్పుడు కేజీఎఫ్ ఛాప్టర్ 2 ప్రభావం పడబోతుందని అందరూ అభిప్రాయపడుతున్నారు. కన్నడ రాకింగ్ స్టార్ యష్, ప్రశాంత్ నీల్ కాంబినేషన్‌లో రూపొందిన కేజీఎఫ్ 2 ఈ నెల 14న రాబోతోంది.
KGF 2 – RRR: భారీ పోటీ మధ్య ఆర్ఆర్ఆర్ అనుకున్న టార్గెట్ రీచ్ అవుతుందో లేదో.
ఈ నేపథ్యంలో జోరుగా ప్రమోషన్స్ మొదలయ్యాయి. కేజీఎఫ్ 2కు అన్నీ సౌత్ భాషలలో అలాగే బాలీవుడ్ నార్త్ లోనూ మంచి క్రేజ్ ఉంది. దీనికి కారణం కేజీఎఫ్ 1 సాధించిన విజయమే. అందుకే, ఈ సినిమాపై అంతటా భారీ అంచనాలున్నాయి. ఇప్పుడు ఈ సినిమా మాత్రమే కాకుండా ఏప్రిల్ 13న విజయ్ – నెల్సన్ దిలీప్ కుమార్‌ల బీస్ట్ కూడా రాబోతోంది. ఒకేసారి ఆర్ఆర్ఆర్ మీద ఐపిఎల్ – కేజీఎఫ్ 2 – బీస్ట్ సినిమాల ప్రభావం గట్టిగా పడటం పక్కా అంటున్నారు. చూడాలి మరి ఇంత భారీ పోటీ మధ్య ఆర్ఆర్ఆర్ అనుకున్న టార్గెట్ రీచ్ అవుతుందో లేదో.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!