`రొమాంటిక్‌` మూవీతో తెలుగు ఇండ‌స్ట్రీలోకి అడుగు పెట్టిన హాట్ బ్యూటీ కేతిక శ‌ర్మ.. తొలి సినిమాతోనే ఆక‌ట్టుకునే అందం, న‌ట‌న‌తో యూత్‌కు క‌నెక్ట్ అయింది. ఈ త‌ర్వాత `లక్ష్య`తో ప్రేక్ష‌కుల‌ను ప‌ల‌క‌రించింది.. కానీ, ఈ సినిమా బాక్సాఫీస్ వ‌ద్ద బోల్తా ప‌డింది. ఇప్పుడు ఈ అమ్మ‌డు మూడో ప్ర‌య‌త్నంగా చేసిన చిత్రం `రంగ రంగ వైభవంగా`.
మెగా మేన‌ల్లుడు వైష్ణవ్ తేజ్ హీరోగా గిరీశాయ ద‌ర్శ‌క‌త్వంలో రూపుదిద్దుకున్న ల‌వ్ అండ్‌ ఫ్యామిలీ ఎంట‌ర్టైన‌ర్ ఇది. బాపినీడు.బి స‌మ‌ర్ప‌ణ‌లో శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బి.వి.ఎస్.ఎన్ ప్రసాద్ నిర్మించిన ఈ చిత్రం సెప్టెంబ‌ర్ 2న గ్రాండ్ రిలీజ్ కాబోతోంది.
ఈ నేప‌థ్యంలోనే ప్ర‌మోష‌న్స్ భాగంగా ఓ ఇంట‌ర్వ్యూలో పాల్గొన్న కేతిక.. తాను స్క్రీన్ షేర్ చేసుకున్న హీరోల గురించి షాకింగ్ కామెంట్స్ చేసింది. కేతిక మాట్లాడుతూ.. `నా మొదటి హీరో ఆకాశ్‌ పూరి నాకంటే వయసులో చిన్నవాడు. అతనితో ఫ్రెండ్లీగా ఉండేదాన్ని. రెండో సినిమా హీరో నాగశౌర్య నా కంటే పెద్దవాడు. ఆయ‌న ఒక మంచి వ్యక్తి` అని చెప్పుకొచ్చింది.
ఇక మూడో హీరో వైష్ణవ్ తేజ్ గురించి చెబుతూ.. `వైష్ణవ్ నా తోటి వాడు కదా. అందుకే మేమిద్దరం టామ్‌ అండ్‌ జెర్రీలా ఉంటాం` అంటూ కేతిక పేర్కొంది. దీంతో ఈ అమ్మ‌డి కామెంట్స్ కాస్త సోష‌ల్ మీడియాలో వైరల్ గా మారాయి.