NBK 107: గోపీచంద్ మలినేని దర్శకత్వంలో బాలకృష్ణ హీరోగా నటిస్తున్న సినిమా “NBK 107”. ఇండస్ట్రీలో ఒక్క పరాజయం లేని దర్శకుడిగా మంచి ట్రాక్ రికార్డు కలిగిన గోపీచంద్ మలినేని ఈ సినిమాని చాలా వైవిధ్యంగా తెరకెక్కిస్తున్నారట. కమర్షియల్ ఎంటర్టైనర్ గా మాస్ ప్రేక్షకులను ఆకట్టుకునే రీతిలో… హీరో ఇజం ఎలివేషన్ ఓ రేంజ్ లో ఉండే స్క్రిప్ట్ తో “NBK 107” తీయడం జరిగిందట. ఈ సినిమాకి సంబంధించి విడుదలైన ఫోటోలు మరియు చిన్నపాటి వీడియో ఇప్పటికే అంచనాలను పెంచేశాయి.
అయితే ఈ సినిమాకి సంబంధించి టైటిల్ విషయంలో రకరకాల వార్తలు వస్తున్నాయి. ఈ క్రమంలో తాజాగా సినిమా నిర్మిస్తున్న మైత్రి మూవీ మేకర్స్ నిర్మాణ సంస్థ టైటిల్ ప్రకటనపై కీలక అప్డేట్ ఇచ్చింది. అక్టోబర్ 21వ తారీకు టైటిల్ ప్రకటిస్తామని తెలిపింది. ఈ సినిమాలో బాలయ్య సరసన శృతిహాసన్ హీరోయిన్. కొద్ది నెలల క్రితం కర్నూలులో యాక్షన్స్ సన్నివేశాలతో పాటు సెంటిమెంట్ సన్నివేశాలు చిత్రీకరించారు. అంతేకాకుండా ఒక సాంగ్ కూడా చిత్రీకరించడం జరిగింది. ఆ తరువాత టర్కీలో సినిమాకి సంబంధించి కొన్ని సాంగ్స్ చిత్రీకరించారు.
టర్కీ షెడ్యూల్ కంప్లీట్ చేసుకుని ఇటీవలే బాలయ్య వారం రోజుల క్రితం హైదరాబాదులో అడుగు పెట్టారు. దాదాపు సినిమా షూటింగ్ చివరి దశకు చేరుకుంది. ఈ ఏడాది డిసెంబర్ నెలలో “అఖండ” సినిమా రిలీజ్ అయిన రోజే..”NBK 107″ విడుదల చేసే అవకాశాలు ఉన్నాయి. వాస్తవానికి ఈ దసరా పండుగకు రిలీజ్ కావాల్సినది. షూటింగ్ జరుగుతున్న సమయంలో బాలకృష్ణతో పాటు సినిమా యూనిట్ కోవిడ్ బారిన పడటం జరిగింది. దీంతో కొన్ని వారాలు పాటు షూటింగ్ ఆగిపోయింది. తర్వాత మళ్ళీ స్టార్ట్ చేసి ఏకధాటిగా షూటింగ్ చేయడం జరిగింది. ఇదిలా ఉంటె “జై బాలయ్య” అనే టైటిల్ ఈ సినిమాకి పెట్టినట్లు ప్రచారం జరుగుతోంది. మరి 21వ తారీఖు ఏ టైటిల్ ప్రకటిస్తారో చూడాలి.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!