Vasthu: వాస్తు ప్రకారం నిర్మాణ రంగంపై విశ్వం, భూమి, గాలి, అగ్ని, నీరు పంచ భూతాల ప్రభావం ఉంటుంది. ఈ ఐదు అంశాలు మానవ జీవితాన్ని సమతుల్యం చేయడంలో సహాయపడతాయి. కొత్త సంవత్సరంలో చేయాలనుకుంటున్నా పనులపై వాస్తు శాస్త్రం ఎలాంటి ప్రభావం చూపుతుందో తెలుసుకుందాం. వాస్తు శాస్త్రం ప్రకారం ఎలాంటి జాగ్రత్తలు తీసుకోవాలో చూద్దాం..
డబ్బు కంటే కూడా ఆరోగ్యం ముఖ్యం. వాస్తు శాస్త్రం ప్రకారం మీ కుటుంబ సభ్యుల మంచి ఆరోగ్యాన్ని కాపాడుకోవాలంటే.. నిద్రించేటప్పుడు దక్షిణం వైపు తల ఉంచి, ఈశాన్యం వైపు తల నిద్రపోవాలి. వాస్తు శాస్త్రం ప్రకారం అద్దాలు మంచానికి ఎదురుగా పెట్టుకోకూడదు. ఇది అనారోగ్యానికి దారితీస్తాయి. ఇంట్లో ఎవరైనా అనారోగ్య సమస్యలతో బాధపడుతుంటే వాళ్ళ గదిలో మండుతున్న కొవ్వొత్తిని ఉంచితే వారు త్వరగా కోలుకుంటారు.
మీ ఇంట్లోకి సంపద రావాలంటే.. అదృష్టం, శ్రేయస్సును ఆకర్షించడానికి, మీరు మీ వార్డ్ రోబ్ ను ఇంటి దక్షిణ లేదా నైరుతి దిశలో ఉంచాలి. మీ వార్డ్ రోబ్ తలుపులు ఇంటికి ఉత్తరం వైపున తెరవాలి. అలాగే మీరు ఏదైనా ఇల్లు కొనేటప్పుడు లేదా నిర్మించేటప్పుడు, మీ ఇంటి ప్రధాన ద్వారం ఉత్తరం, తూర్పు లేదా ఈశాన్యంలో ఉండేలా చూసుకోవాలి. ఇంట్లో అక్వేరియంను దూరంగా ఉంచాలి. సంతోషాన్ని ఆకర్షించడానికి మీ ఇంటి ఈశాన్య దిశలలో కొన్ని ఆకర్షించే ఫ్రేమ్‌లు ,ఫోటోలను పెట్టుకోండి. మీ ఇంట్లో వేణువును ఉంచడం వల్ల ఆర్థిక సమస్యలు రావు. అలాగే చదువు, ఉద్యోగం, వ్యాపారం కి సంబంధించిన సమస్యలను ఎదుర్కోవడానికి, మీ ఇంట్లో రెండు వేణువులను ఉంచవచ్చు. ఈ చిన్న చిన్న వాస్తు మార్పులు చేసుకుంటే మీరే ఐశ్వర్య వంతులు..