Chiranjeevi: తాజాగా విడుదలైన హనుమాన్ మూవీతో ప్రశాంత్ వర్మకి ఎంతటి పాపులారిటీ వచ్చిందో ప్రత్యేకంగా చెప్పక్కర్లేదు. ఒక్క సినిమాతో ప్రశాంత్ వర్మ పేరు పాన్ ఇండియా లెవెల్ లో వినిపిస్తుంది. అతి తక్కువ బడ్జెట్ తో తెరకెక్కించిన హనుమాన్ మూవీ మొదటి రోజే సూపర్ హిట్ విజయాన్ని సాధించింది. స్టార్ హీరోల సినిమాలను సైతం అటకెక్కించింది హనుమాన్. ఇక దీంతో ప్రశాంత్ వర్మ నెక్స్ట్ మూవీపై అందరి చూపు మళ్లింది.
ఇక ఈ మూవీ ప్రీ రిలీజ్ ఈవెంట్ కు చిరంజీవి గెస్ట్ గా వచ్చిన విషయం తెలిసిందే. దీంతో చాలామంది మెగా అభిమానులు ప్రశాంత్ వర్మ చిరుతో సినిమా చేస్తే బాగుంటుంది అని తమ భావుద్వేగాన్ని కూడా తెలియజేశారు. అంతేకాకుండా చిరంజీవితో సినిమా చేయమని ప్రశాంత్ వర్మను సైతం కోరారు.
ఇక తాజాగా దీనిపై హనుమాన్ మూవీ దర్శకుడు ఓ ఇంటర్వ్యూలో మాట్లాడుతూ..” సినిమా ఇండస్ట్రీలో నా మొదటి సినిమా మొదలు పెట్టక ముందే.. చిరంజీవి గారికి ఓ కథ వినిపించాను. చిరంజీవి గారికి సందర్భంలో కలుసుకున్న నేను ఏదో సరదాగా ఓ సినిమా స్టోరీ చెప్పాను. అది చిరంజీవి గారికి నచ్చడంతో ఆ సినిమా చిన్నచిన్న మార్పులు చేయమని చెప్పారు. అనంతరం మళ్లీ సినిమా కథ వినిపించగా చిరంజీవి గారు కథ బాగుంది అని చెప్పడమే కాకుండా మూవీకి ఓకే చెప్పారు.
కానీ చిరంజీవి డ్రీమ్ ప్రాజెక్ట్ సైరా పట్టాలెక్కడంతో నా సినిమా ఆగిపోయింది ” అంటూ చెప్పుకొచ్చాడు ప్రశాంత్ వర్మ. ఇక ప్రశాంత్ వర్మ కి అయితే చిరంజీవితో సినిమా చేయాలనే ఆశ గట్టిగానే ఉంది. ఇక చిరు కానీ కోపరేట్ చేస్తే వీరిద్దరి కాంబినేషన్ లో ఓ సూపర్ డూపర్ హిట్ వస్తుందనే చెప్పొచ్చు. మరి చిరంజీవి ఈ టాలెంటెడ్ దర్శకుడు కి ఛాన్స్ ఇస్తాడో లేదో చూడాలి. ఇక ప్రస్తుతం ప్రశాంత్ వర్మ వ్యాఖ్యలు సోషల్ మీడియాలో వైరల్ అవుతున్నాయి.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!