RC16: మెగా పవర్ స్టార్ రామ్ చరణ్ తేజ్ “RC16” సినిమా షూటింగ్ ప్రారంభోత్సవం గ్రాండ్ గా జరిగింది. ఈ కార్యక్రమానికి రామ్ చరణ్, సుకుమార్, జాన్వి కపూర్, ఏఆర్ రెహమాన్, బుచ్చిబాబు, చిరంజీవి, డైరెక్టర్ శంకర్, అల్లు అరవింద్, మైత్రి మూవీ మేకర్స్ నిర్మాతలు పాల్గొన్నారు. ఈ సందర్భంగా రామ్ చరణ్ మాట్లాడుతూ “రంగస్థలం” సినిమా నటన పరంగా మంచి పేరు తీసుకొచ్చింది. అయితే ఆ స్క్రిప్ట్ నా నర నరాలలో ఎక్కడానికి కారణం బుచ్చిబాబు. “రంగస్థలం” సినిమా చేస్తున్న సమయంలో స్క్రిప్ట్ చాలా బాగా చెప్పి.. ప్రతి సన్నివేశాన్ని వివరిస్తూ వచ్చేవాడు. ఆ సమయంలో దాదాపు 200 రోజులు బుచ్చిబాబుతో ట్రావెల్ చేయటం జరిగింది.
డైరెక్టర్ సుకుమార్ కి బెస్ట్ బుచ్చిబాబు. అటువంటి వ్యక్తి ఇంతమంది ప్రముఖులను ఒకే చోట తీసుకొచ్చే విధంగా… ముందుకు వెళ్ళటం మామూలు విషయం కాదు. ఇక జాహ్నవి కపూర్ తో సినిమా చేయాలని ఎప్పటినుంచో శ్రేయోభిలాషులు, ఫ్యాన్స్ నుంచి ఒత్తిడి వస్తూనే ఉంది. అప్పట్లో “జగదేకవీరుడు అతిలోకసుందరి” సినిమా ఎఫెక్ట్ తో మా ఇద్దరి కాంబినేషన్ లో సినిమా రావాలని చాలామంది కోరుకున్నారు. బుచ్చిబాబు దర్శకత్వంలో చేయబోయే సినిమాతో ఆ కల నెరవేరనుంది. మ్యూజిక్ డైరెక్టర్ ఏఆర్ రెహమాన్ తో వేదిక పంచుకోవడం నమ్మసక్యంగా లేదని అన్నారు.
డైరెక్టర్ సుకుమార్ కు బెస్ట్ పర్సన్ బుచ్చిబాబుతో సినిమా చేయడం చాలా సంతోషంగా ఉందని రామ్ చరణ్ స్పీచ్ ఇచ్చారు. ఈ సినిమాలో చరణ్ అథ్లెటిక్ గా కనిపించబోతున్నట్లు వార్తలొస్తున్నాయి. ఉత్తరాంధ్ర యాస నేపథ్యంలో స్టోరీ ఉంటుందని సమాచారం. కంప్లీట్ స్పోర్ట్స్ బ్యాక్ డ్రాప్ విలేజ్ డ్రామా తరహాలో దర్శకుడు బుచ్చిబాబు సినిమా చేయనున్నట్లు ఇండస్ట్రీ వర్గాలు అంటున్నాయి. ఇదిలా ఉంటే ఈనెల చివరిలో చరణ్ పుట్టినరోజు నేపథ్యంలో ఈ సినిమా టైటిల్ ప్రకటించనున్నట్లు సమాచారం. ఆల్రెడీ ఈ సినిమాకి సంబంధించి మూడు సాంగ్స్.. ఏఆర్ రెహమాన్ కంప్లీట్ చేయడం జరిగిందట. ఈ సినిమా షూటింగ్ చాలా వేగంగా చేసి త్వరగానే రిలీజ్ చేయాలని బుచ్చిబాబు పక్క ప్లానింగ్ తో ఉన్నారట.
Shyamala: అప్పుడు పవనిజం.. ఇప్పుడు జగనిజం… ఏంటి శ్యామల ఇది..?