వంతెన దొంగిలించారు!

(న్యూస్ ఆర్బిట్ డెస్క్)

మనం రకరకాల దొంగతనాలు వినిఉండొచ్చు గానీ ఇట్లాంటి దొంగతనం గురించి ఎప్పుడూ వినిఉండం. రష్యాలోని ఆర్కిటిక్ ప్రాంతంలో ఒక ఇనుప వంతెన మాయమయింది. ఎవరన్నా దొంగతనం చేస్తే తప్ప అది మాయం కావడానికి వీలు లేదు. 75 అడుగుల వంతెన మధ్య భాగం మాయం అయింది.

రష్యా, ముర్‌మన్స్క్ ప్రాంతంలోని ఉంబా నదిపై ఉపయోగంలో లేని వంతెన మాయమయిందని మే నెలలో రష్యాకు చెందిన సోషల్ మీడియా సైట్ వికె రిపోర్టు చేసింది. వంతెనలో కొంత భాగం నది నీటిలో పడిఉన్న ఫొటోను మే 16న వికె ప్రచురించింది.

కొద్ది రోజుల తర్వాత వంతెన పూర్తిగా మాయం అయిన ఫొటోలు వికెలో వచ్చాయి. ఇనుము అమ్ముకునే దొంగలు ఈ పనికి పాల్పడి ఉంటారని స్థానికులు భావిస్తున్నారు. విషయం పోలీసుల దృష్టికి వెళ్లింది. కిరోవ్‌స్క్ పోలీసులు దర్యాప్తు మొదలుపెట్టారని ఇండిపెండెంట్ పత్రిక తెలిపింది.

Photos Courtesy: vk.com/kirap51