ఇటీవల మాజీ మంత్రి అచ్చెన్నాయుడు ని ESI స్కామ్ లో పోలీసులు అరెస్టు చేసిన సమయంలో కొంత మంది టీడీపీ పార్టీకి చెందిన నాయకులు నిరసన చేపట్టడానికి రెడీ అయ్యారు. దీనిలో భాగంగా పశ్చిమగోదావరి జిల్లా దెందులూరు మాజీ ఎమ్మెల్యే చింతమనేని ప్రభాకర్ కూడా అచ్చెన్నాయుడు అరెస్టుకు నిరసనగా జాతీయ రహదారి కలపర్రు టోల్‌గేట్ దగ్గర ఆందోళనకు సిద్ధమయ్యారు.
దీంతో వెంటనే పోలీసులు అప్రమత్తం అవటంతో చింతమనేని ప్రభాకర్ ని అదుపులోకి తీసుకున్నారు. పోలీసులు చింతమనేని ప్రభాకర్ ని తాజాగా కోర్టులో హాజరుపరచగా కోర్టు 14 రోజుల పాటు రిమాండ్ విధించడం జరిగింది. అయితే మాజీ ఎమ్మెల్యే చింతమనేని ప్రభాకర్ ఆయన వెంట ఉన్న మరో ఎనిమిది మందికి బెయిల్ మంజూరు అయింది. ఈ రోజు బెయిల్ మంజూరు కాగా ఆయన రిలీజ్ ఈరోజే అవుతారా రేపు రిలీజ్ చేస్తారా ? అనేది తెలియాల్సి ఉంది. రేపు అసెంబ్లీ సమావేశాలు జరగనున్న తరుణంలో చింతమనేని మరి రేపు బయటకు వస్తారా? లేకపోతే ఈ రోజు బయటకు వస్తారా? అనేది సస్పెన్స్ గా మారింది.