ఏపి ప్రభుత్వ సలహాదారు (ఎలక్ట్రానిక్ మీడియా), టాలీవుడ్ సీనియర్ కమెడియన్ ఆలీ కుమార్తె ఫాతిమా, షేక్ షెహయాజ్ ల వివాహం గత ఆదివారం హైదరాబాద్ లో అట్టహాసంగా జరిగింది. ఈ సందర్భంగా తన కుమార్తె వివాహ రిసెప్షన్ వేడుక కార్యక్రమాన్ని ఆలీ దంపతులు ఇవేళ గుంటూరులో ఏర్పాటు చేశారు. కొద్ది రోజుల క్రితం ఆలీ దంపతులు తాడేపల్లిలోని సీఎం నివాసానికి వెళ్లి తమ కుమార్తె వివాహ మహోత్సవ ఆహ్వాన పత్రికను అందజేసిన సంగతి తెలిసిందే. అయితే వివాహ మహోత్సవానికి హజరు కాలేకపోయిన సీఎం వైఎస్ జగన్ ఇవేళ గుంటూరులో వివాహ రిసెప్షన్ వేడుకకు హజరైయ్యారు. నవవధూవరులకు పుష్పగుచ్చం అందించి శుభాకాంక్షలు తెలియజేశారు. వారికి తన ఆశీస్సులు అందించారు.
గుంటూరు ఇన్నర్ రింగ్ రోడ్డు లోని శ్రీ కన్వెన్షన్ సెంటర్ లో జరిగిన ఈ వివాహ రిసెప్షన్ వేడుకలకు పెద్ద సంఖ్యలో ప్రముఖులు హజరైయ్యారు. పలువురు రాష్ట్ర మంత్రులు కూడా హజరై నూతన వధూవరులను ఆశీర్వదించారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!