Ambati Rambabu: విమర్శలకు దడవకుండా మళ్లీ సంక్రాంతి సంబరాల్లో స్టెప్పులు వేసి సంక్రాంతికి తాను సంబరాలు రాంబాబునే అని పేర్కొన్నారు ఏపీ ఇరిగేషన్ శాఖ మంత్రి అంబటి రాంబాబు. తెలుగు రాష్ట్రాల్లో భోగి వేడుకలను ప్రజలు ఘనంగా జరుపుకుంటున్నారు. ప్రతి పల్లె, పట్టణాల్లో భోగి మంటలు వేసి ప్రజలు సంబరాలు చేసుకుంటున్నారు. రాజకీయ పార్టీ నేతలు, సెలబ్రిటీలు, వివిధ రంగాల ప్రముఖలు వేకువజామునే భోగి మంటలు వేసి వేడుకల్లో పాల్గొన్నారు.
ఈ క్రమంలో పల్నాడు జిల్లా సత్తెనపల్లి గాంధీ బొమ్మల సెంటర్ లో ఏపీ మంత్రి అంబటి రాంబాబు ఆధ్వర్యంలో సంక్రాంతి సంబరాలు నిర్వహించారు. భోగి మంటలు వేసి దాని చుట్టూ తిరుగుతూ స్టెప్ లు వేశారు మంత్రి రాంబాబు. ఈ వేడుకల్లో కౌన్సిలర్లు, పలువురు నాయకులు పాల్గొన్నారు. గత ఏడాది మంత్రి అంబటి రాంబాబు చేసిన డ్యాన్స్ వీడియో సోషల్ మీడియాలో వైరల్ అయిన సంగతి తెలిసిందే. తాజాగా మంత్రి అంబటి రాంబాబు తాను సంక్రాంతి సంబరాల్లోని డ్యాన్స్ వీడియోను తన సోషల్ మీడియా ఖాతాలో పోస్టు చేశారు. మరల ఈ వీడియో తెగ వైరల్ అయ్యింది. నెటిజన్లు రకరకాలుగా స్పందిస్తూ కామెంట్స్ పెడుతున్నారు.
సంక్రాంతికి సంబరాల రాంబాబునే
ఈ సందర్భంగా మంత్రి అంబటి రాంబాబు తనపై వస్తున్న విమర్శలకు స్పందిస్తూ .. తాను సంక్రాంతి వేడుకలు చేస్తుంటే సంబరాల రాంబాబు అంటూ విమర్శిస్తున్నారని, సంక్రాంతికి తాను సంబరాల రాంబాబునే అని స్పష్టం చేశారు. సంక్రాంతి దాటితే తాను పొలిటికల్ రాంబాబుని అని అన్నారు. సంబరాలు ఎంత సంబరంగా చేస్తానో, రాజకీయాలు అంత సీరియస్ గా చేస్తానని పేర్కొన్నారు. సత్తెనపల్లిలో ప్రతి కుటుంబం సంతోషంగా సంక్రాంతి జరుపుకోవాలనేదే తన ఆలోచన అని అంబటి రాంబాబు పేర్కొన్నారు.
DSC: నిరుద్యోగులకు ఏపీ సర్కార్ గుడ్ న్యూస్
భోగి,సంక్రాంతి శుభాకాంక్షలు! pic.twitter.com/Tmtt5TDLMP
— Ambati Rambabu (@AmbatiRambabu) January 14, 2024