MAA Elections: మా ఎన్నికలపై ఏపి సర్కార్ ఇచ్చిన క్లారిటీ ఇదీ..!!

AP Employees: Covering or Warning..!?
Share

MAA Elections:  మూవీ ఆర్టిస్ట్స్ అసోసియేషన్ (మా) ఎన్నికల్లో రాజకీయ ప్రమేయంపై వస్తున్న నేపథ్యంలో ఏపి మంత్రి పేర్ని నాని స్పందించారు. మా ఎన్నికల్లో ప్రకాశ్ రాజ్, మంచు విష్ణు ప్యానల్స్ పోటీ పడుతున్న సంగతి తెలిసిందే. ఇటీవల మంచు విష్ణు మాట్లాడుతూ ఏపి సీఎం వైఎస్ జగన్ తనకు బంధువు (బావ) అని, తెలంగాణ మంత్రి కేటిఆర్ స్నేహితుడు అంటూ పేర్కొన్న నేపథ్యంలో మా ఎన్నికల్లో ముఖ్యమంత్రులు జగన్, కేసిఆర్, బీజేపీలను ఎందుకు లాగుతున్నారంటూ ప్రకాశ్ రాజ్ విమర్శించారు. చుట్టాలు, స్నేహితులు అయినంత మాత్రనా వారు వచ్చి ఎన్నికల్లో ఓట్లు వేస్తారా, లేక ఓట్లు వేయిస్తారా అంటూ ప్రకాశ్ రాజ్ నిలదీశారు. ఈ నేపథ్యంలో ఏపి ప్రభుత్వం తరపున మంత్రి పేర్ని నాని స్పందించి వివరణ ఇచ్చారు. మూవీ ఆర్టిస్ట్స్ అసోసియేషన్ (మా) ఎన్నికలతో సీఎం జగన్ కు గానీ, ఏపి ప్రభుత్వానికి గానీ వైసీపీకి గానీ ఎలాంటి సంబంధం లేదని స్పష్టం చేశారు. అసలు మా ఎన్నికలపై తమకు ఏ మాత్రం ఆసక్తి లేదని పేర్కొన్నారు. ఈ మేరకు మంత్రి పేర్ని నాని ఓ వీడియో సందేశాన్ని విడుదల చేయగా ఆ వీడియో సోషల్ మీడియాలో వైరల్ అయ్యింది.

MAA Elections: ap minister perni nani clarity
MAA Elections: ap minister perni nani clarity

MAA Elections: సీఎం జగన్, మంత్రి నానిలకు ప్రకాశ్ రాజ్ ధన్యవాదాలు

కాగా మా ఎన్నికల్లో తమ జోక్యం ఉండదనీ, సినీ రంగానికి సంబంధించిన ఎన్నికలపై తమకు ఆసక్తి లేదని ఏంపి మంత్రి పేర్ని నాని ప్రకటన విడుదల చేయడాన్ని ప్రకాశ్ రాజ్ స్వాగతించారు. ఈ సందర్భంగా సీఎం వైెఎస్ జగన్, మంత్రి పేర్ని నానిలకు ప్రకాష్ రాజ్ ధన్యవాదాలు తెలియజేశారు. ఏంతో బాధ్యతాయుతంగా స్పందించి ప్రకటన చేశారని పేర్కొన్నారు. మా ఎన్నికలపై ప్రభుత్వ స్పందనను గౌరవిస్తున్నానని తెలిపారు.

జోరందుకున్న ప్రచారం

మా ఎన్నికల పోలింగ్ దగ్గర పడుతుండటంతో ప్రచారాన్ని ఉదృతం చేశారు. ప్రకాశ్ రాజ్, మంచు విష్ణు ప్యానల్స్ మద్య మాటల తూటాలు పేలుతున్నాయి, విమర్శలు, ప్రతి విమర్శలతో సినీ పరిశ్రమ రాజకీయం వేడెక్కింది. ఈ నెల 10వ తేదీ పోలింగ్ జరగనుంది. పోటీలో ఉన్న అభ్యర్థులు సభ్యులను కలిసి ఓట్లు అభ్యర్ధించడంతో పాటు సినీ పెద్దలను కలిసి వారి మద్దతు కూడగట్టుకునే పనిలో నిమగ్నమైయ్యారు. ఎవరికి వారు గెలుపుపై ధీమా వ్యక్తం చేస్తూ ముందుకు సాగుతున్నారు. మరో పక్క సీనియర్ నటుడు మోహన్ బాబు ఓ టీవీ ఛానల్ ఇంటర్వ్యూలో మా ఎన్నికలను ఉద్దేశించి నీచ, నికృష్ణ, భష్టు రాజకీయాలు చోటుచేసుకున్నాయంటూ హాట్ కామెంట్స్ చేయడం సినీ వర్గాల్లో తీవ్ర చర్చ జరుగుతోంది.


Share

Related posts

తెర‌పైకి `థెరి`రీమేక్‌…

Siva Prasad

మూడో టెస్టుకూ అశ్విన్ అనుమానమే!

Siva Prasad

Stains : బట్టల మీద మరకలు ఇలా వదిలించండి!!

Kumar